Grqamol.am » Տարբեր Ժանրեր » Բանաստեղծություններ » Հայկական » Տարբեր » Նաիրի Զարյան «Դու ինձ կփնտրես, երբ ես չեմ լինի»

Նաիրի Զարյան «Դու ինձ կփնտրես, երբ ես չեմ լինի»

Դու ինձ կփնտրես, երբ ես չեմ լինի
Կանգնած ամեն օր քո ճամփի վրա,
Երբ մենակության լալկան ուռենին
Կթեքվի մի օր քո ճամփի վրա։

Ձայնս կլսես հեռու ձորերից,
Ինչպես հեռացող գնացքի սուլոց,
Սարսուռով կտաս անունս նորից
Եվ ունայն հույսով կնետվես փողոց։

Բայց ես չեմ լինի ծանոթ մարդկանց մեջ,
Ձեր դռան մոտով չեմ անցնի կրկին,
Դու քայլամոլոր կշրջես անվերջ,
Եվ զղջման բոցով կայրվի քո հոգին։



Yandex.Metrica Display Pagerank

Բոլոր հեղինակային իրավունքները պաշտպանված են. Copyright © 2013-2016 Grqamol.am: All Right Reserved
Այլ կայքերում կամ հեռուստառադիոընթերցումներում մեջբերումներ անելիս հղումը Grqamol.am-ին պարտադիր է: