Grqamol.am » Տարբեր Ժանրեր » Բանաստեղծություններ » Հայկական » Վահան Տերյան » Վահան Տերյան «Հանդիպումի Արահետ»

Վահան Տերյան «Հանդիպումի Արահետ»

Երբ կյանքը սուր փշերով
Կարյունոտե քո հոգին,
Հիշի՛ր, որ սուրբ հուշերով
Շղթայված ես դու մեկին։
Երբ մենք հեռու կըլինենք,
Երբ կանջատվենք առհավետ,
Հիշի՛ր, որ կա սրբազան
Հանդիպումի արահետ։
Հիշի՛ր, որ երբ մի անգամ
Մահին հաղթեց խնդագին,
Էլ չի կարող մոռանալ
Ակնթարթն այն մեր հոգին։
Քո խոսքերը սրբազան
Չեն խավարիլ խավարում,
Շուրջը, շուրջը ամեն ինչ
Կերգե անդարձ քո հեռուն։
Դու կըլինես իմ հոգում,
Դու ամեն տեղ կըլինես,
Որպես քաղցր մի խոկում,
Ե՛վ անմարմին, և՛ անտես։
Մեզ ամեն ինչ այս երկրում
Հմայում է և խաբում,
Բայց կա անհաս մի բերկրում,
Հրաշք-անկարծ հանդիպում…
ԵՐԲ ԿԼԻՆԵՆՔ ՄԵՆՔ ՀԵՌՈՒ
ԱՆՎԵՐԱԴԱՐՁ ԵՎ ՕՏԱՐ
ՀԻՇԻ՛Ր, ՈՐ ԻՆՁ ՄԻ ԱՆԳԱՄ
ՀԱՎԵՐԺԱԲԱՐ ԴՈՒ ԳՏԱՐ…..

Վահան Տերյան



Yandex.Metrica Display Pagerank

Բոլոր հեղինակային իրավունքները պաշտպանված են. Copyright © 2013-2016 Grqamol.am: All Right Reserved
Այլ կայքերում կամ հեռուստառադիոընթերցումներում մեջբերումներ անելիս հղումը Grqamol.am-ին պարտադիր է: