Grqamol.am » Տարբեր Ժանրեր » Սոնետներ » Ուիլյամ Շեքսպիր «Սոնետ 28»

Ուիլյամ Շեքսպիր «Սոնետ 28»

Ուրեմն ինչպե՞ս կարող եմ լինել ուրախ ու անհոգ,
Երբ զրկված եմ այդ դյուրակեցության չնչին օգուտից,
Երբ չի մեղմացնում գիշերը օրվա վիշտը անամոք,
Այլ գիշեր ու զօր և զօր ու գիշեր չարչարում են ինձ:
Եվ նրանք, թեև թշնամիներ են հավետ հակամարտ,
Դաշինք են կնքել և միահամուռ ինձ են խոշտանգում,
Որ տքնեմ անվերջ ու գիշերվա մեջ խորհեմ հուսահատ,
Թե քեզնից հետո ինչ օգուտ ունեմ այս աշխատանքում:
Եվ ասում եմ միշտ ի հեճույս օրվան, թե պայծառ է նա,
Խնկարկում նրան, երբ սև թուխպերը երկինքն են գերել,
Շողոքորթում եմ ես մռայլատես դեմքին գիշերվա.
Երբ աստղեր չկան, ասում եմ, թե նա ցերեկ է բերել,
Բայց օրն օրեցօր երկարացնո՜ւմ է ժամն իմ խոնջության,
Եվ գիշերը միշտ ուժեղացնո՜ւմ է ուժն իմ հոգնության:

Բոլոր սոնետներն՝ այստեղ:



Yandex.Metrica Display Pagerank

Բոլոր հեղինակային իրավունքները պաշտպանված են. Copyright © 2013-2017 Grqamol.am: All Right Reserved
Այլ կայքերում կամ հեռուստառադիոընթերցումներում մեջբերումներ անելիս հղումը Grqamol.am-ին պարտադիր է: