Grqamol.am » Խորհուրդ են տալիս հայտնիները » Քննարկում Ստյոպա Սաֆարյանի հետ. Միշել Ուելբեք «Տարրական մասնիկներ»

Քննարկում Ստյոպա Սաֆարյանի հետ. Միշել Ուելբեք «Տարրական մասնիկներ»

Դեկտեմբերի 4-ին The Club ակումբում տեղի ունեցավ Հայաստանի ժամանակակից արվեստների միության «Խորհուրդ են տալիս հայտնիները» նախագծի հանդիպումներից ևս մեկը. «Բարև Երևան» դաշինքի անդամ Ստյոպա Սաֆարյանի հետ քննարկվում էր Միշել Ուելբեքի «Տարրական մասնիկները» վեպը: Հանդիպման հենց սկզբից պարզ դարձավ, որ ողջ քննարկումն անցնելու է հաճելի և բազմաբովանդակ միջավայրում: Շատ հետաքրքիր էր լսել Ստյոպա Սաֆարյանի կարծիքը գրքի հեղինակի, գլխավոր հերոսների, ինչպես նաև ողջ գրքի բովանդակային արժեքի մասին: Հանդիպման ընթացքում Ստյոպա Սաֆարյանը կիսվեց ճշգրիտ գիտությունների իր իմացությամբ, ինչը գիրքը կարդացողներին ավելի ևս օգնեց հասկանալ «տարրական մասնիկների»՝ որպես գրքի վերնագիր գաղափարը:

– Ինձ համար գիրքը չափազանց դժվար էր կարդալ՝ չնայած նրան, որ լավ տիրապետում էի գրքում տեղ գտած ոլորտներին՝ իր ոճի, տարօրինակ կառուցվածքի, նաև՝ սյուժեների պատճառով: Գիրքն ընթերցելիս  անընդհատ վիճում էի հեղինակի հետ ու կռիվը շարունակվեց մինչև վերջին էջը: Այդ իմաստով եզակի գիրք է, այսպիսի բան ինձ հետ չէր պատահել: Անընդհատ կոնֆլիկտ ունեի Միշել Ուելբքի հետ,  փորձում էի հարմարվել անակնկալներին, բայց  ամեն նոր իրավիճակում էլի բախում էի ունենում»,- իր խոսքում նշեց պարոն Սաֆարյանը::

Լինելով արգելված գրականություն, The Club ակումբում տիրում էր այնպիսի մթնոլորտ, ինչը քննարկման մասնակիցներին հնարավորություն էր տալիս ազատ արտահայել իրենց կարծիքը և խոսել բազմաբնույթ հարցերի մասին:

Ստյոպա Սաֆարյանն իր հավանությանն արժանացրեց նաև Գրքամոլ Ակումբի անդամներին, վերջիններիս որակելով որպես պրոֆեսիոնալ ձևավորված խմբի ընթերցողներ:

Հ.Գ. Հիշեցնենք, որ «Խորհուրդ են տալիս հայտնիները» նախագծի ինֆորմացիոն աջակիցներից է նաև Գրքամոլ Ակումբը:

Հասմիկ Մակարյան



Yandex.Metrica Display Pagerank

Բոլոր հեղինակային իրավունքները պաշտպանված են. Copyright © 2013-2017 Grqamol.am: All Right Reserved
Այլ կայքերում կամ հեռուստառադիոընթերցումներում մեջբերումներ անելիս հղումը Grqamol.am-ին պարտադիր է: