Առլեն Շահվերդյան «Ամանորյա Հեքիաթ»

2014-01-01 3047
Սիրելի ընթերցողներ, տարվա ամենահեքիաթային շրջանն ամանորյա տոնակատա­րութ­յունների օրերն են` շուրջբոլորը վառվող բազմերանգ լույսերով, խանութների ցուցա­փեղկերում հայտնվող ամանորյա բազմապիսի նվերներով ու գեղեցիկ զարդարված տոնածառներով: Բոլորը շտապում են այս ու այն կողմ` նվերներ գնելու, անակնկալներ անելու, սիրելի, մտերիմ մարդուն հաճելի ակնթարթներ պարգևելու համար: Ու թեև ձմեռ է, սակայն բոլորի հոգիներն այդ ժամանակ ջերմ են: Նոր տարվա մոտալուտ գալուստն ազդարարող երգերը, տոնական միջոցառում­ները, հանդեսները, փողոցների զարդերն ու լույսերը շուրջդ խին­դով ու բարությամբ են լցնում, և ամեն ինչ վերածվում է մի անկրկնելի հեքիաթի, որը գերում է ոչ միայն փոքրիկներին, այլև մեծերին: Շատ կարևոր ու հաճելի է նաև տոնածառի զարդարումը: Լավ է, երբ դրան մասնակցում է ամբողջ ընտանիքը: Գրեթե բոլոր տներում տիրում է հաճելի մի եռուզեռ: Տոնա­ծառը զարդարում են բազմապիսի ու բազմագույն խաղալիքներով, լույսերով, շղթա­ներով: Ծառի տակ դնում են նվերները, որոնք ամանորյա գիշերը ընտանիքի անդամները բացում են ու նվիրում մեկը մյուսին: ՈՒրա­խությունն ու բարութ­յունը համակում են բոլորին: Սիրելի այցելուներ, 2009 թվականին «Լիմուշ» հրատարակչությունում տպագրվեց «Ամանորյա հեքիաթ» վերնագրով գիրքս: Եվ ահա, պատիվ ունեմ Ձեզ ներկայացնելու խոստացված անակնկալս` «Ամանորյա հեքիաթ» գրքի էլեկտրոնային տարբերակն ԱՄԲՈՂՋՈՒԹՅԱՄԲ: Հեքիաթների ժանրում սա իմ երկրորդ գիրքն է: Այս հեքիաթը նպատակ ունի փոխանցելու ամանորյա ջերմ ու բարի տրամադրությունը, որով յուրաքանչյուրս համակվում ենք ամեն Նոր տարի, ինչպես նաև երեխաների մեջ խնամք ու հոգածություն սերմանելու իրենց խաղալիքների նկատմամբ, և որ ամենակարևորն է` ցույց տալու, որ հրաշքներ լինում են, որ բարին միշտ հաղթանակում է և, որ անիրականանալի գրեթե ոչինչ չկա, պետք է պարզապես շատ կամենալ ու ձգտել: Հավելենք, որ այս գիրքը կարող եք կարդալ նաև Հայաստանի ազգային գրադարումԽնկո Ապոր անվան ազգային մանկական գրադարանում և Ավետիք Իսահակյանի անվան կենտրոնական գրա­դարանում: Մաղթում ենք հաճելի ընթերցում: Թող որ այս գրքի ընթերցումը պարգևի Ձեզ բարի և ուրախ տրամադրություն, ամանորյա բազում անմոռանալի հույզեր: Սեղմեք գրքի շապիկի վրա, որպեսզի կարդաք «Ամանորյա հեքիաթը»: © Առլեն Շահվերդյան, 18.12.2011 © Գրքի հեղինակային իրավունքները պաշտպանված են:  ISBN 978-9939-64-014-3 © Arlen Shahverdyan. All Rights Reserved, 2009 Dear Friends, it is my honor to introduce to You My Second Book “New Year Fairy Tale”, published in 2009. This is a Tale about Little Toys, that try to reach the New Year Tree until the New Year begins to make a Wish with the Hope that it will definitely come true. The Book is in Armenian Language. The Book Cover is designed by Me. Click on the cover(the image above) and the Book will be downloaded. Armenian Readers can find the Book also in the Armenian State Library, in the National Children’s Library after Khko Aper and in the Central Library after Avetik Isahakyan. © Arlen Shahverdyan, 09.08.2012

մեկնաբանություններ