Grqamol.am » Մեջբերումներ Գրքերից » Թեոդոր Դրայզեր «Ֆինանսիստ»

Թեոդոր Դրայզեր «Ֆինանսիստ»

Բեռնել գիրքը

► Արժե՞ արդյոք անհանգստանալ այն բանից, որը դեռ չի եղել”

► Եվ այնուամենայնիվ միանգամայն պարզ է, որ բոլոր դժվարությունները լուծում է մտավոր ու ֆիզիկական ուժը։

► Փոթորկի ժամանակ լավ է ամեն մի նավակայան, իսկ խեղդվողը օձին էլ է փաթաթվում։

► Հիմա արդեն Լիլիանն այսպիսի հարցեր չէր տալիս, որովհետև անխելքություն էր համարում փորփրել անցյալի սխալներն ու անհաջողությունները։ Որևէ բան ափսոսալ նրա կարծիքով, անհեթեթություն էր։ Նա նայում էր միայն առաջ ու մտածում ապագայի մասին։

► Մարդկանց մի մասն ապրում է ուրիշների հաշվին։

► Միակ բանը, որ չեմ հավանում, ձեր մշտական խոսքն է. «Ի՞նչ կասեն մարդիկ»: Ձեր կյանքը «մարդիկ» չեն կառուցում: Առավել ևս իմը: Նախ և առաջ մտածեցեք ձեր մասին: Դուք ինքներդ պետք է ստեղծեք ձեր կյանքը: Մի՞ թե դուք թույլ կտաք, որ ձեր և ձեր ցանկության միջև ցցվի այն, թե ինչ կասեն ուրիշները:

► Ինքնապաշտպանության անընդունակ և ուզած դրությունից ելք գտնել չկարողացող մարդիկ թվում էին նրան տխմար կամ լավագույն դեպքում՝ դժբախտ:

► Մարդիկ մեր մասին մտածում են այն, ինչ մենք ուզում ենք, որ մտածեն:

► Նա, ով ոչինչ չի ձեռնարկում իրեն պաշտպանելու համար, իհարկե գլուխը չի փրկի:

► Ծնողները սովորաբար հավատացած են, թե շատ լավ են ճանաչում իրենց զավակներին, և ժամանակը միայն այն է անում, որ ամրացնում է նրանց այդ մոլորությունը:

► Մարդկանց հայացքները փոխվում են, որից և փոփոխություններ են առաջանում հարաբերությունների մեջ:

► Անչափելի են այն ստորության խորխորատները, ուր կարող է ընկնել տխմարը:

► Սաստիկ սիրելու անընդունակ լինելով՝ նա չէր էլ կարողանում խիստ տառապել:

► Խիղճը, որ կրծում է մարդուն ու հաճախ էլ հասցնում կործանման, երբեք չէր անհանգստացնում Քաուփերվուդին: Նրա համար գոյություն չուներ մեղք հասկացողությունը: Նրա յուրօրինակ տեսակետից՝ կյանքը միայն երկու կողմ ուներ՝ ուժ և թուլություն:

► Փողը վճռականորեն քավում է բոլոր թերությունները:

► Կարեկցանքն ու մտերմությունը իհարկե մեծ բան են, բայց կիրքն ու ցանկասիրությունը պետք է պահպանվեն, շատ դառն է լինում դրանք կորցնելը:

► Աշխարհի ամենաանհույս բանը մարդու բնավորությունը ճիշտ որոշել ջանալն է: Ամեն մի անհատ հակասությունների կծիկ է:

► Անկարելի է սահմանել այն նրբագույն ռեակցիաները, որ առաջանում են բնավորությունների փոխազդեցությամբ, որովհետև ոչ ոք չի իմանում, թե ինչ չափով է մեր վրա ազդում այն, ինչ մեր հիացմունքի առարկան է:

► Ամեն մի բնավորություն որոշ չափով ենթարկվում է մեղմացման, փոխվում է, սակայն նրա վրա ներգործող ուժերը պետք է խիստ նշանակալի լինեն:

► Նա զննում էր Ֆրենկի խստատես, դժգույն դեմքը, և սիրած մարդու համար պայքարելու ցանկությունն աստիճանաբար աճում էր նրա սրտում: Նրա սերը անիրավ էր, ապօրինի, բարոյազանցական, բայց սեր էր, իսկ օրենքից մերժված սերին հատուկ է բոցավառ տաքարյունությունը:

► Մարդկանց մեծ մասը նեղություն չի քաշում խորամուխ լինելու այն մեխանիզմին, որը կոչվում է խիղճ: Իսկ եթե նրանք նեղություն էլ կրեն այդ բանն անելու, ապա, որպես կանոն, նրանց պակասում է էթիկայի ու բարոյականության խճճված թելերն արձակելու կարողությունը:

► Օրենքը կարելի է թեքել որ կողմն ասես. դա դեպի արգելվածը տանող սողանցք է, փոշի, որ կարելի է փչել նրա աչքին, ով կուզենար օգտվել տեսնելու իր իրավունքից, վարագույր, որ կամայականորեն իջեցվում է ճշմարտության ու դրա կենսագործման, արդարադատության ու նրա արած եզրակացության, ոճրի ու պատժի միջև: Օրենսգետները մեծ մասամբ լուսավորված վարձկաններ են, որոնց առնում ու ծախում են:

► Կանանց մեծ մասամբ խորթ են խորամանկությունը ու խաբեությունը: Միջակ կինը, որը ենթարկվում է զգացմունքի ձայնին և սիրում է խորապես, ճշտապես, ընդունակ չէ նենգության, ինչպես փոքր երեխան: Նա միշտ պատրատ է զոհաբերել իրեն և ջանում է հնարավորին շատ անել: Որքան տևում է սերը, նա այդպես էլ անում է:

► Ամենաուժեղ մարդիկ երբեմն ենթարկվում են վհատության: Լինում են պահեր, երբ մեծ մտքի տեր մարդկանց կյանքը ներկայանում է ամենամռայլ գույներով: Որքան սարսափելի բաներ կան կյանքի նենգությունների մեջ: Եվ միայն այն մարդիկ, ովքեր օժտված են արտասովոր համարձակությամբ և հավատում են իրենց իսկապես առկա ուժերին, ընդունակ են անվախ նայելու կյանքի դեմքին:

Հ.Գ. Եթե դուք ունեք մեջբերումներ` դուրս բերված այս գրքից, ապա կարող եք ուղարկել մեզ հետադարձ կապով:



Yandex.Metrica Display Pagerank

Բոլոր հեղինակային իրավունքները պաշտպանված են. Copyright © 2013-2017 Grqamol.am: All Right Reserved
Այլ կայքերում կամ հեռուստառադիոընթերցումներում մեջբերումներ անելիս հղումը Grqamol.am-ին պարտադիր է: