Անհայտ փաստեր հայտնի գրողների մասին | Ներկայացնում է Գրքամոլը

Անհայտ փաստեր հայտնի գրողների մասին:

Ներկայացնում է Գրքամոլը:

1. Ուիլյամ Շեքսպիրը ծնվել և մահացել է նույն օրը։ Նա ծնվել է 1564-ի ապրիլի 23-ին, և մահացել նույն օրը` 52 տարի անց:

2. Մեկ այլ մեծ գրող՝ Միգել դե Սերվանտեսը, Ուիլյամ Շեքսպիրի հետ մահացել է նույն օրը: «Դոն Կիխոտի» հեղինակը նույնպես մահացավ 1616 թվականի ապրիլի 23-ին:

3. Չարլզ Դիքենսի սիրելի ժամանցներից մեկը ուղևորությունն էր դեպի Փարիզի դիահերձարան, որտեղ ցուցադրվում էին չբացահայտված անձանց մարմինները:

4. Օսկար Ուայլդը լուրջ չէր ընդունում Դիքենսի գործերը և նրան հաճախ ծաղրում էր: Չարլզ Դիքենսի ժամանակակից քննադատներն անվերջ նշում էին, որ նա երբեք չի կարող լինել բրիտանացի լավագույն գրողների ցուցակում:

5. Չարլզ Դիքենսը չէր կարողանում կենտրոնանալ և աշխատել, երբ իր գրասենյակում սեղաններն ու աթոռները դասավորված չէին այնպես, ինչպես հարկն էր։ Թե ինչպես պետք է լիներ կահույքի դասավորվածությունը, միայն նա գիտեր և միշտ նախքան աշխատելը՝ կահույքը տեղափոխում, դասավորում էր ըստ հարմար տարբերակի, և նոր սկսկում միայն ստեղծագործական աշխատանքը։

6. Էդգար Ալլան Պոն իր ողջ կյանքի ընթացքում վախենում էր մթությունից: Այս վախի հնարավոր պատճառներից մեկն այն էր, որ ապագա գրողը սովորում էր գերեզմանատանը: Դպրոցում, որտեղ սովորում էր տղան, ուսուցիչները չէին կարողացել դասագրքեր գնել և մաթեմատիկայի ուսուցիչը դասեր էր տալիս մոտակա գերեզմանատանը՝ գերեզմանների մեջ: Աշակերտներից յուրաքանչյուրն ընտրում էր գերեզմանաքար և կարդում ծննդյան և մահվան տարիները, այնուհետև հաշվարկում, թե քանի տարի է ապրել հանգուցյալը:

7. Ջեկ Լոնդոնը սոցիալիստ էր և նաև առաջին գրողը, ով երբևէ իր կատարած աշխատանքով մեկ միլիոն դոլար վաստակեց:

8. Ամերիացի գրող Ուիլյամ Ֆոլքները իր վեպերից մեկի համառոտ շարադրանքը գրել է Օքսֆորդի (Միսսիսիպի) իր տան գրասենյակի պատերի վրա, և Ֆոլքների տան այցելուները պատերի վրա կարող էին տեսնել գրողի ձեռագիր նմուշները:

9. Ջորջ Էլիոթը իրականում կին էր: Նրա իսկական անունը Մերի Էնն Էվանս է: Նա գրել է այս կեղծանվան տակ, քանի որ կին հեղինակները այնքան էլ բարձր չէին գնահատվում, քան տղամարդիկ, և Ջորջ Էլիոթ կեղծանվան տակ Էվանսը գրել է մի շարք վեպեր, որոնք համարվել են բոլոր ժամանակների լավագույններից:

10. Նախքան իր ստեղծագործական ձեռքբերումներով հայտնի դառնալը, արգենտինացի գրող և թարգմանիչ Խորխե Լուիս Բորխեսը իր ապրուստը վաստակում էր յոգուրտների համար գովազդային տեքստեր ստեղծելով: