15 հետաքրքիր փաստ Նիկոլայ Գոգոլի մասին

2019-07-24 836
  1. Գոգոլը տանել չէր կարողանում իր քթի ձևը և նկարիչներին խնդրում էր իրենն նկարել ուրիշ տեսքի քթով, իր կարծիքով իդեալական ձևի քթով:
  2. «Մեռած հոգիների» երկրորդ գլուխը այդպես էլ ոչ ոք չի կարդացել, հեղինակը ինքը վառել է գրեթե բոլոր ձեռագրերը:
  3. Գոգոլի ամենամեծ ֆոբիաներից մեկն այն էր, որ նա վախենում էր, որ իրեն կենդանի կթաղեն, այդ իսկ պատճառով նստած էր քնում:
  4. Բացի վերը նշվածը գրողը վախենում էր նաև ամպրոպից, կայծակից ու անծանոթ մարդկանցից։
  5. Գրողը դեռ փոքր տարիքից սիրում էր գործել, զգեստներ կարել և դրանք նվիրել իր քույրերին:
  6. Գոգոլը միշտ իր գրպանում շաքար կամ քաղցր էր պահում, ուտում էր աշխատելու ընթացքում:
  7. Նրա մայրը ամուսնացել է 14 տարեկան հասակում, Գոգոլի հայրը այդ ժամանակ երկու անգամ մեծ էր նրանից:
  8. Երբ Գոգոլը փոքր էր. մայրը նրան գունավոր նկարագրում էր Ահեղ դատաստանը և Դժոխքը, պատմում էր հանդերձյալ կյանքում մեղավորների պատիժների և բարեպաշտ մարդկանց հասնող պարգևների մասին: Այս պատմությունները տպավորել են երեխային և մեծ ազդեցություն են ունեցել նրա հետագա կյանքի վրա:
  9. Ասում են, թե Ռևիզորի սյուժեն Գոգոլին հուշել է Ալեքսանդր Պուշկինը:
  10. Երբ Գոգոլը երիտասարդ տարիքում տեղափոխվեց Պետերբուրգ, նրան տհաճորեն զարմացրեց Պետերբուրգում ամեն-ինչի թանկությունը:
  11. Գոգոլը փող վաստակելու համար փորձել է ամենատարբեր աշխատանքեր կատարել՝  թատրոնի դերասանից մինչև չինովնիկ (պետական ծառայող):
  12. Հինգ տարեկան հասակում Գոգոլը լճում խեղդամահ է անում կատվին, որը նրան վախեցրել էր մութ սենյակում։
  13. Գոգոլի առաջին գործը, որը հրատարակվել է եղել է «Հանց Կյուխելգարտեն» պոեմը, որը Վ. Ալով կեղծանվան տակ է հրատարակել։ Սակայն  քննադատները այն սառը ընդունեցին: Հիասթափված գրողը գնեց  վաճառքում մնացած բոլոր գրքերը և այրեց դրանք:
  14. Մահից որոշ ժամանակ առաջ Գոգոլը պնդում էր, որ ինչ-որ անծանոթ ձայներ է լսում։
  15. Գոգոլը երբեք չի ունեցել ոչ սեփական տուն, ոչ բնակարան: Ապրում էր կամ ընկերների մոտ, կամ հարազատների մոտ: Մահացել է Ալեքսեյ Տոլստոյի մոսկովյան առանձնատանը, ով իր հեռավոր ազգականն էր: Նրա մահից հետո մնացել են միայն շինելը, մուշտակը և կոշիկները:

Դիտեք ավելին Հետաքրքիր փաստեր բաժնում

մեկնաբանություններ