Մեր Մասին

Երկու տարուց ավել գործող «Գրքամոլ» ֆեյսբուքյան էջը հասցրել է տասնյակ հազարավոր օգտատերերի սիրելի էջը դառնալ, որի գաղափարն ի սկզբանե եղել է շատ պարզ՝ համացանցում ստեղծել մի այնպիսի տիրույթ, որի միջոցով մարդիկ հնարավորություն կունենան ծանոթանալ տարբեր ազգերի հայտնի գրողներին, ինչպես նաև նրանց արձակ և չափածո ստեղծագործություններին: Գրքամոլ Նախաձեռնության նպատակն է հայ հասարակության մեջ բարձրացնել սերը դեպի ընթերցանությունը, առաջացնել հետաքրքրություն դեպի դասական և արդի գրականությանը, ինչպես նաև կոտրել բոլոր այն կարծրատիպերը, թե այսօրվա հայ իրականության մեջ ընթերցողներ չկան: Եվ այս ամենը մեզ հաջողվում է՝ դատելով Grqamol.am հաճախող օրեկան հազարից ավել այցելություններից և մեր էջին ուղարկվող օրեկան բազմաթիվ նամակներից, որոնց բովանդակությունը հիմնականում այսպիսին է, որ «Ձեր շնորհիվ եմ ես հասկացել թե ինչ բան է գիրքը և հիմա գրքամոլում տեղադրվող հրապարակումներին զուգահեռ սկսել եմ գրքեր ընթերցել»: Հաճախ հարցնում են նաև, թե որտեղից կարող են գտնել իրենց հետաքրքրող գիրքը, կամ ինչ գիրք մենք խորհուրդ կտանք իրենց կարդալ: Այս ամենից հետևություն անելով մենք կարող ենք վստահաբար ասել, որ մարդկանց մոտ իրոք հետաքրքրությունը դեպի ընթերցանությունը գնալով խորանում է:

Վերջերս բացվեց ԳՐՔԱՄՈԼ. Գրքերի փոխանակում խումբը, որի միջոցով ընթերցողները մյուս ընթերցողներից կարողանում են գտնել իրենց փնտրած գիրքը և կարդալ, ինչպես նաև անհրաժեշտության դեպքում փոխանակում են մեկ այլ գրքի հետ. սա և՛ հարմար է, և՛ օգտակար։

Իսկ Grqamol.am կայքն իրենից ներկայացնում է մեր ամբողջ աշխատանքը՝ մեկ կայքում հավաքագրված, որտեղ կարող եք գտնել մեջբերումներ հարյուրավոր սիրված գրքերից, ստեղծագործություններ մեր երիտասարդ ընթերցողներից (ովքեր, ի դեպ, շատ տաղանդավոր են), կարող եք բեռնել էլեկտրոնային գրքեր Էլեկտրոնային գրքեր բաժնից (բաժինը անընդհատ թարմացվելու է նոր էլեկտրոնային գրքերով), ինչպես նաև կարդալ տարբեր ժանրի այլ ստեղծագործություններ (բանաստեծղություններ, առակներ, պատմություններ, աֆորիզմներ, սոնետներ, խոսող նկարներ): Կայքում կա նաև «Grqamol.am» բաժինը, որտեղ դուք կարող եք ծանոթանալ մեր գործունեության մասին, ընթերցել մեր հարցազրույցները, տեսնել գրական հանդիպումները, ինչպես նաև հետադարձ կապի միջոցով գրել ձեր առաջարկությունների և մտահոգությունների մասին:

2014 թվականի օգոստոսից կյանքի է կոչված Գրքամոլ Ակումբի գործունեությունը, որի նպատակն է մեկ վայրում հավաքվել ընթերցասերներով և քննարկել համաշխարհային գրականության գործերը:

Այս նախաձեռնության կազմակերպիչները երեքն են, ովքեր, լինելով տարբեր մասնագիտությունների, միավորվում են մեկ ընդհանուր նպատակի շուրջ:

Համլետ Մուրադյան

Հասմիկ Մելիքսեթյան

Հռիփսիմե Ռոստոմյան

Հ.Գ. Ասում են, եթե չես սիրում գրքեր, ուրեմն դեռ չես կարդացել այն մեկը, որն անհրաժեշտ է: Ուստի մեր ամենամեծ մաղթանքը թող լինի այն, որ յուրաքանչյուր մարդ այս կյանքում գտնի իր գիրքը:

Գրքամոլ Նախաձեռնություն

2014 © Grqamol. All Rights Reserved.

URL: www.grqamol.am, e-mail: grqamol@gmail.com