«27 ակումբ» | 27 տարին չբոլորած 5 գրող
2022-01-31 880
Երաժշտական աշխարհում կա հայտնի հասկացություն՝ «27 ակումբ», որի անդամները վաղաժամ` 27 տարեկանում մահացած ռոք, բլյուզ հանրահայտ կատարողներն են:
Ցավոք, հայտնի և հանճարեղ շատ գրողներ ևս մահացել են երիտասարդ տարիքում՝ չբոլորելով անգամ 27 տարեկանը:
Ստորև ներկայացնում ենք վաղաժամ մահացած 5 հայտնի գրողի.
1. Միխայիլ Լերմոնտով
Հայտնի ռուս պոետ Միխայիլ Լերմոնտովը մահացել է 26 տարեկան հասակում։ Բանաստեղծը սպանվել է դուելի ժամանակ իր գործընկեր Նիկոլայ Մարտինովիչի կողմից։ Կոնֆլիկտի իրական պատճառները մինչև օրս պարզ չեն, սակայն հայտնի է, որ Լերմոնտովը առաջինն է կրակել ու ուղղել է փամփուշտը դեպի երկինք, իսկ Նիկոլայ Մարտինովիչը, առանց որևէ զիջման, կրակել է ուղիղ նրա սրտին։
2. Էնն Բրոնտե
Բրոնտե ընտանիքի անդամների վաղաժամ մահվան պատմությունները հայտնի են շատերին։ Էննը եղել է ընտանիքում ամենափոքրը և մահացել է 29 տարեկանում։ Նրա և ընտանիքի մյուս անդամների մահվան պատճառը եղել է թոքային տուբերկուլյոզը։
3. Ջոն Քիթս
Անգլիացի ռոմանտիկ պոետ Ջոն Քիթսի կյանքը ևս ընդհատվել է վաղաժամ։ Բանաստեղծը մահացել է 1821 թվականին՝ 25 տարեկան հասակում` թոքերի լուրջ հիվանդության պատճառով։
4. Պետրոս Դուրյան
Մեռնի՜լ թարմ ու երազոտ…
Մեռնի՜լ առանց շուրթեր համբույրով մը բորբոքելու, առանց հոգին ժպիտով մը հրդեհելու, մեռնի՜լ…տխուր է այդ, սակայն…
19-րդ դարի մահացու հիվանդություններից չեն խուսափել նաև հայ գրողները։
1871 թվականին երիտասարդ բանաստեղծ Պետրոս Դուրյանի մոտ սկսեցին ի հայտ գալ թոքախտի առաջին նշանները։ Բանաստեղծը մահացավ 21 տարեկան հասակում։
5. Միսաք Մեծարենց
Թոքախտի զոհ է դարձել նաև արևմտահայ բանաստեղծ, բնության երգիչ Միսաք Մեծարենցը։
Թեև բնաաստեղծը մահացել է 22 տարեկանում, սակայն հասցրել է թողնել գրական մեծ ժառանգություն և նոր շունչ հաղորդել արևմտահայ պոեզիային։
© Նյութի հեղինակ՝ Ֆլորա Օհանյան
Դիտեք ավելին Հետաքրքրի մասին բաժնում
մեկնաբանություններ