Ալբերտո Մորավիա «Չոչարա»

2013-07-30 9260

► Վիշտը կարելի է վերացնել, երբ վերացնում ես վշտի պատճառները:

► Միշտ սպասես ու չտեսնես, դա նույնն է, թե դանդաղ մեռնես:

► Ա՜խ, ինչքա՜ն լավ է, երբ մարդ ունենում է իր տունը, ուր ոչ ոք ոչ մտնում, ոչ էլ խառնվում է քո գործերին, և ամբողջ կյանքդ կարղ ես նվիրել նրան...

► Սերը ինձ համար ոչ մի կարևորություն չուներ, ավելին, երբեմն այն ինձ թվում էր նույնիսկ զզվելի. գուցե այն պատճառով, որ բացի իմ ծերացած, ոչ մի հրապուրանք չունեցող ամուսնուց ուրիշ տղամարդու չեմ ճանաչել: Ես միայն ուզում էի ապրել խաղաղ և ոչ մի բանի կարիք չունենալ:

► Ինչ ուզում է լինի, կինը պետք է հավատարիմ մնա ամուսնուն, եթե անգամ ամուսինը հավատարիմ չէ իր կնոջը:

► Թույլի և օգնության կարիք զգացողի ներկայությունը միշտ էլ ուժ է տալիս մարդուն:

► Կանայք, առանց ղեկավարող և պաշպանող տղամարդու, նման են կույրերի, որոնք քայլում են առանց իրենց առջևը տեսնելու և առանց հասկանալու, թե որտեղ են գտնվում:

► Բաներ կան, որ թեկուզև կատարվում են, բայց մարդը չի հավատում նրանց իսկությանը, մանավանդ, եթե կատարող անձնավորությունը այլևս չի խոսում այդ մասին և իրեն այնպես է պահում, կարծես ոչինչ չի եղել:

► Իսկապես կյանքը սովորույթ է, սովորույթ է նաև ողջախոհությունը, իսկ եթե փոխվում են սովորույթները, կյանքը դառնում է դժոխք, իսկ մենք` սանձահարված դևեր` կորցրած հարգանքը և' մեր, և' ուրիշների նկատմամբ:

► Մարդկանց կրթություն տալը դեռ քիչ է, անհրաժեշտ է նաև նրանց սովորեցնել, թե ինչպես պետք է օգտվել այդ կրթությունից:

► Փաստերի առաջ աշխարհի ամենալավ խոսքերն անգամ ոչ մի արժեք չունեն:

► Այլևս չէի աղոթում նախ այն պատճառով, որ մեղք էի գործել, և հետո այն պատճառով, որ ինքս էլ չգիտեմ ինչու, դա մեղք չէի համարում:

► Մայրերը, ինչպես հայտնի է, միշտ չէ, որ ճանաչում են իրենց երեխաներին:

► Մենք ավելի շատ բույս ենք, քան մարդ, և ամբողջ մեր ուժը գալիս է այն հողից, որտեղ ծնվել ենք. եթե լքում ենք այդ հողը, դադարում ենք և' մարդ, և' բույս լինելուց, դառնում ենք թեթև մի աղբ, որին կյանքի հանգամանքների հողմը անվերջ այս ու այն կողմ է նետում:

► Պատերազմի ժամանակ հավատարիմ ոչ մի բան չկա. ոչ մարդիկ են հավատարիմ, ոչ փողը, ոչ ուրիշ այլ բաներ...

► Ճիշտ պլանները երբեք հաջողություն չեն ունենում...

► Մարդկանց լրիվ ճանաչելու համար պետք է նրանց տեսնել պատերազմի և ոչ թե խաղաղ ժամանակ:

► Բառերն ավելորդ են և ոչինչ չեն ավելացնի նրան, ինչ մենք ասում ենք աչքերով:

► Տգիտությունը, թերևս, բոլոր տեսակի դժբախտությունների պատճառն է, ինչպես մեր, այնպես էլ ուրիշների, որովհետև ոճրագործությունը ոչ այլ ինչ է, եթե ոչ տգիտության տեսակներից մեկը, իմացող մարդը չի կարող չարիք պատճառել:

Հ.Գ. Եթե դուք ունեք մեջբերումներ՝ դուրս բերված այս գրքից, ապա կարող եք ուղարկել մեզ հետադարձ կապով:

Դիտեք ավելին Մեջբերումներ Գրքերից բաժնում

մեկնաբանություններ