Ալեքսիս Տրայանոս «Մոտեցիր հիմա»

2025-01-17 287

Մոտեցիր հիմա, երբ ջրերը բարձրանում են
Մոտեցիր հիմա։
Մառախուղը թաքցնում է մեզ ավելորդ հայացքներից,
Եվ սառույցը խեղաթյուրեց վերջին հետքերը
օտարների, որ անցան:
Այդպես ոչ ոք չի տեսնի մեզ
Դեմ առ դեմ,
Ինչպես որ կմերկացնես ինձ՝
Մերկ, խենթացած և գեղեցիկ։
Կհավաքեմ բոլոր օրերը,
Կքայլեմ կրկին նույն տներում,
Կշնչեմ կրկին ծովը
Եվ վերջին ուժով
Կհանեմ օրերից,
տնից` ծովը,
Իմ բոլոր արցունքները,
Իմ բոլոր քայլերը,
Իմ բոլոր շնչառությունները։
Կտամ դրանք քեզ,
որպեսզի՝ լինեմ։

Թարգմանությունը հունարենից՝ © Մարի Գրիգորյանի

Դիտեք ավելին Արտասահմանյան Գրականություն բաժնում

մեկնաբանություններ