Արտյոմ Գրիգորյան «Գնացք դեպի Արևմուտք»

► Գիտնականները փորձում են հերքել Աստծու գոյությունը, հավատացյալները աղոթում են նրան, իսկ արվեստագետները ստեղծում են Աստծուն։

► Չեմ կարողանում հիշել․ ե՞ս քեզ սպանեցի, թե՞ դու՝ ինձ։

► Անտոնիոն, անցնելով հարազատ փողոցներով, հայտնվեց մի այգու մոտ, որին տեղացիները «Լարվաարիա» էին ասում։ «Լարվաարիա» անվանումը այնքան էր հիշատակվել, որ քաղաքի ամեն երկրորդ բնակչի շուրթերից լսվում էր։ Այդ այգու անվան ծագման մասին մարդիկ լեգենդներ էին հորինել։ Ասում էին, որ ամռանն այդտեղ շատ հաճախ թրթուրներ են երևում, որտեղից էլ այգին ստացել էր իր անվանումը՝ թրթուրների վայր՝ Լարվաարիա (անգլ․ larva-թրթուր, area- տարածք): Թերևս սա միակ բարի ու հիմնավոր վարկածն էր այգու մասին։ Բայց կար նաև մեկ այլ վարկած։ Ըստ լեգենդի՝ այգին այդ անունը ստացել էր ի պատիվ հայտնի ճարտարապետ և ինժեներ-մեխանիկ Ռոջեր Լարվայի։ Ասում են, որ հայտնի ինժեների դին գտել են հենց այդ այգու կենտրոնում։ Սակայն այգին այնքա՜ն մանկական է՝ սահնակներով, ճոճոնակներով, գույնզգույն զարդարանքներով լի, հիասքանչ բուսականությամբ և շատրվաններով։ Բժիշկների հավաստամամբ՝ ինժեների հետ պատահածը պարզապես սրտի կաթված էր։ Զարմանալի էր, որ երեսունամյա Ռոջերի սիրտը կանգ էր առել, սակայն հետազոտությունները ո՛չ բռնության և ոչ էլ ինքնասպանության հետքր այդպես էլ չգտան։ Տեղական կառավարությունը չէր մեկնաբանում մահվան հետ կապված ոչ մի մանրամասնություն։ Չնայած քաղաքի բնակիչները այս տարբեակը լոկ վարկած էին համարում, ոմանք հակված էին հավատալու դրան։

► Բայց կար ևս մեկ վարկած․ 1965 թվականին չորս երեխա, տուն վերադառնալով, իրենց ծնողներին միանման պատմություն պատմեցին՝ խաղալիս շշուկներ են լսել, որից հետո հայտնվել է երիտասարդ աղջկա մի կերպարանք և մատով ցույց տվել երեխաներից մեկին։ Աղջկա դեմքը սարսափազդու է եղել։ Ինչպես երեխենարն էին պատմել՝ երկար և գզգզված մազերը փակել էին երեսի ձախ կողմը, իսկ մյուս մասը շատ նուրբ էր։ Աղջիկը ոտաբոբիկ էր, կրում էր մինչև ծնկները հասնող սպիտակ գիշերազգեստ։ Ասում էին, որ այդ աղջիկը ուրվական էր։ Այստեղից էլ այգուանվան մյուս բացատրությունը՝ ուրվականի այգի ( լատ․ larva - ուրվական aria - այգի)։

► Անտոնիո Մալքին տուն էր շտապում՝ մտքում ծամծմելով այգու անվան ծագման մասին ուրվականի վարկածը։ Նա հավատում էր հենց դրան։ Ի՞նչպես չհիշեր և չհավատար, եթե չորս երեխաներից մեկը հենց ինքն էր։

Հ.Գ. Եթե դուք ունեք մեջբերումներ` դուրս բերված այս գրքից, ապա կարող ուղարկել մեզ հետադարձ կապով: