Գրքամոլ Ակումբ. Բաց քննարկում. Էթել Վոյնիչ «Բոռ»

2016-12-16 3523

Դեկտեմերի 10-ին Ավ. Իսահակյանի անվան գրադարանի  հարկի ներքո հավաքված մի խումբ ընթերցասերների  միավորել էր անգլիացի կին գրող Էթել Լիլիան Վոյնիչի «Բոռ» (անգլ.՝ The Gadfly) հեղափոխական-ռոմանտիկ վեպը ( 1897 թ.): Նշենք, որ քննարկումը բաց էր, և հանդիպմանը ներկա էին ոչ միայն «Գրքամոլ» ակումբի երեք խմբերի անդամներ, այլև` վեպով հետաքրքրված հյուրեր: Ներկաները նախ անդրադարձան Վոյնիչ գրողի կյանքին, փորձեցին զուգահեռներ անցկացնել  նրա և վեպի հերոսների գաղափարների, տեսակետների և ապրած կյանքի միջև: Քննարկման մասնակիցները նկատեցին, որ վեպը, որտեղ ներկայացված է  «Երիտասարդ Իտալիա» կազմակերպության ջատագովների 19-րդ դարի սկզբի պայքարն ընդդեմ ավստրիացիների և նրանց համախոհների, ինչ-որ չափով կարող է հանդիսանալ նաև մեր ժամանակներում տեղի ունեցող իրադարձությունների արտացոլանքը: Քննարկման մասնակիցները առանձին կերպով անդրադարձ կատարեցին վեպի գլխավոր հերոսի`  Բոռի կերպարին` նրան դիտարկելով որպես հեղափոխական, սիրահար տղա և պարզապես` քաղաքացի: Ներկաներից շատերը փորձեցին հակադրել հոգևորականի հոր և հեղափոխական որդու կերպարները, նրանց գործողությունները անցկացրեցին քրիստոնեական արժեքների, ծնողական զգացումների արտահայտման, քաղաքացիական  դիրքորոշման պրիզմայով: Ընդհանուր առմամբ, գրքամոլցիների և մյուս մասնակիցների քննարկումը կարելի է համարել արդյունավետ, եթե հաշվի առնենք, թե որքան ինտենսիվորեն էին վերջիններս փոխանակվում նոր ու թարմ մտքերով: Հ.Գ. Հանդիպման բոլոր նկարներն՝ այստեղ:

մեկնաբանություններ