Բերնար Վերբեր «Վերջին ըմբոստություն»

2019-04-30 868

► Երկրորդ հարկի պատուհանից Լյուսեթը հիմա արդեն տեսնում էր վանդակավոր մեքենայի ներսում նստած տեր և տիկին Ֆուլտրաններին` իրենց հարևան ամուսիններին, որոնց հետ կանոնավորապես, ամեն շաբաթ կեսօրից հետո կնունկեն էին խաղում: Ուրեմն, նրանց նույնպես լքել էին իրենց զավակները:
-Բացե'ք, գիտենք, որ ներսում ենք:
Ծերերի համար նախատեսվաքծ ցանցով զինված ծառայողը ուժգին հարվածում էր մուտքի դռանը:
Կծկված` նրանք պինդ սեղմվեցին իրար: Բռունցքի կատաղի հարվածներին հաջորդեցին ոտքի հարվածները:
Ճաղավոր վանդակում նստած տեր և տիկին Ֆուլտրանները խոնարհել էին իրենց գլուխները: Ցավում էին, որ չէին կարողացել զգուշացնել մյուսներին: Դեռ անցյալ շաբաթ օրը Ֆրեդն ու Լյուսեթը այցելել էին իրենց: Խոսակցությունը պտտվել էր երրորդ խմբի դեմ ուղղված օրենքների շուրջ: Նրանց կարծիքով սոսկալին դեռ ՀԱՎԿ-ը չէր: Ֆուլտրանները պնդել էին, որ որոշ զավակներ արձակուրդի էին մեկնում` իրենց ծնողներին կապելով ծառերին, որ չտանեն հետները: Նրանք օրեր շարունակ մնում էին առանց հաց ու ջրի, եղանակի քմահաճույքներին մատնված:
-Ինչ է կատարվում այդ կենտրոններում,-անփութորեն հարցրել էր Լյուսեթը:
Տիկին Ֆուլտրանը ահաբեկված էր թվացել:
-Ոչ ոք չգիտի
-Գովազդում հայտնում են, թե ճամփորդության են տանում, էքսկուրսիաներ են կազմակերպում Թաիլանդ, Աֆրիկա, Բրազիլիզ:
Պարոն Ֆուլտրանը հեգնել էր.
-Մաքուր պաշտոնական քարոզչություն է: Չեմ հասկանում` պետությունը, որ կարծում է, թե մենք առանց այդ էլ չափազանց թանկ ենք նստում իր վրա, ինչու պիտի վճարի նաև մեր տարաշխարհիկ ճամփորդությունների համար: Դրա վերաբերյալ ես իմ կարծիքն ունեմ, այն էլ` ոչ լավատեսական: Այնտեղ պարզապես մեզ... սրսկում են:
-Ինչ նկատի ունեք:
-Մեզնից ազատվելու համար թույն են ներարկում:
-Անհնարին է... Խելքի մոտ բան չէ...
-Օ, նրանք մեզ չեն վերացնում միանգամից: Պահում են մի քիչ, գուցե թե մեր զավակները մտքները փոխեն:
-Բայց ինչպես են մարդիկ թողնում, որ իրենց սրսկեն:
-Նրանց ասում են, թե դա գրիպի դեմ պատվաստանյութի ներարկում է:
Երկար լռություն էր տիրել:
-Իսկ որտեղից եք դա իմացել, պարոն Ֆուլտրան:
Նա չէր պատասխանել:
-Ասեկոսեներ են, խոսքը կտրել էր Ֆրեդերիկը:- Վստահ եմ` դրանք սոսկ ասեկոսեներ են: Մարդիկ չեն կարող այդքան դաժան լինել: Այս պատմությունը դուք հորինեցիք:
-Նախանձում եմ Ձեզ, որ կյանքը վարդագույն եք տեսնում: Բայց դեռևս հայրս էր ասում. «Լավատեսները լոկ վատ իրազեկված մարդիկ են»,- եզրափակել էր պարոն Ֆուլտրանը հառաչելով:

Հ.Գ. Եթե դուք ունեք մեջբերումներ` դուրս բերված այս գրքից, ապա կարող եք ուղարկել մեզ հետադարձ կապով:

Դիտեք ավելին Մեջբերումներ Գրքերից բաժնում

մեկնաբանություններ