Գրքամոլ Ակումբը մասնակցեց «Չարենցի մահը. լեգենդ և իրականություն» միջոցառմանը
2015-10-08 4601
Հոկտեմբերի 4-ին տեղի ունեցավ գրող, գրականագետ Հովիկ Չարխչյանի կողմից կազմակերպված «Չարենցի մահը. լեգենդ և իրականություն» միջոցառումը, որին մասնակցում էին նաև Գրքամոլ Ակումբի անդամները: Հանդիպման ընթացքում ընկեր Չարխչյանը դասախոսության միջոցով ներկայացրեց Եղիշե Չարենցի կյանքի վերջին օրերը և նրա մահվան հանգամանքները՝ հիմնված նորահայտ փաստերի, վավերագրերի և ականատեսների վկայությունների վրա: Չարենցը` մեր գրականության ամենանշանավոր գրողներից մեկն է, ում կյանքի վերջին տարիները համարվում են լեգենդ, և հենց հանդիպման ընթացքում փաստերի և դեպքերի ճիշտ հաջորդականությանը հետևելով, ներկաները կարողացան զանազանել Չարենցի կյանքին վերաբերվող լեգենդը և իրականությունը: Միջոցառումն այնքան հետաքրքիր էր, որ դեռ հանդիպման ավարտից հետո ընկեր Չարխչյանը պատասխանում էր ընթերցասերների և Չարենցի գրականությունը գնահատողների հարցերին: Հանդիպումն անցավ բավականին ջերմ միջավայրում և ներկաները ավելի լավ պատկերացում կազմեցին գրողի ապրած ժամանակաշրջանի ու կյանքի վերջին տարիների իրական դեպքերի մասին:
Գրքամոլ Ակումբից հանդիպմանը մասնակցել էին Անահիտ Պետրոսյանը, Մարիամ Ապերյանը, Անահիտ Նահապետյանը և Գայանե Ափոյանը:
Հ.Գ. հանդիպման բոլոր նկարներն՝ այստեղ:
մեկնաբանություններ