Երբևէ գրված ամենաՖԱՆՏԱՍՏԻԿ 5 պատմվածքները

2021-03-16 602

Ֆանտաստիկան այն ժանրն է,որտեղ մեր բոլոր պատկերացումները կարող են դառնալ իրականություն և ստանալ կյանք: Այստեղ կարելի է խախտել բոլոր կանոնները և ինչու ոչ՝ ստեղծել նորերը։ Դեռևս 19-րդ դարից այս ժանրը մեծ տարածում է գտել աշխարհում և ստացել տարբեր ճյուղավորումներ, որոնց թվում են գիտական ֆանտաստիկան, ֆենթեզին, կինոֆանտաստիկան և այլն:

Ստորև ներկայացված են երբևէ գրված լավագույն ֆանտաստիկ պատմվածքները։

Ռոբերտ Շեկլի «Մտքի բույրը»

Փոստային փոքրիկ նավը վայրէջք է կատարում անհայտ թթվածնային մոլորակի վրա: Օդաչուն` Լերոյ Քլիվը, գիտակցության գալով հասկանում է, որ այս մոլորակում կենդանի օրգանիզմները չունեն ոչ աչք, ոչ ականջ. նրանք տեսնում, լսում և զգում են մտքի հոտով։ Քլիվը պետք է դիմանա նրանց հետապնդումներին մինչև փրկարարական նավի ժամանումը։

Բայց ինչպե՞ս կարող եք ինքներդ ձեզ ստիպել` չմտածել։

Վիլիամ Թեն «Պատիժը կանխավ»

Այս մոլորակում հանցագործերը նախ կամավոր կերպով կրում են իրենց պատիժը` ազատազրկվելով և ենթարկվելով տաժանակիր աշխատանքի: Ապա նրանք, ովքեր անցնում են այդ ժամկետը և ողջ են մնում, իրավունք են ստանում կատարել հանցագործություն` անպատիժ: Վիճակագրությունը ցույց է տալիս, որ սա շատ արդյունավետ կանխարգելիչ միջոց է հանցագործությունների դեմ:

Այզեկ Ազիմով «Եվ եղավ խավար»

«Եվ եղավ խավար» պատմվածքի հեղինակն է ամերիկացի ֆանտաստ գրող և կենսաքիմիկոս Այզեկ Ազիմովը։ Պատմվածքը վեց արևով լուսավորված մի մոլորակի մասին է։ Ամեն 2049 տարին մեկ, առանց որևէ հիմնավոր պատճառի, այնտեղ գոյություն ունեցող քաղաքակրթությունը վերանում է։ Հաշվի առնելով, որ շուտով դա կրկնվելու է, այդ առեղծվածը փորձում է հասկանալ մի գիտնական։

Ստանիսլավ Լեմ «Գոյություն ունե՞ք արդյոք, միստր Ջոնս»

Ստանիսլավ Լեմի մեկ գործողությամբ այս պիեսը կազմված է երգիծական երկխոսություններից, որոնք պատմում են ավտոմրցաշավորդ Հարի Ջոնսի մասին, ով ենթարկվելով դժբախտ պատահարի պրոթեզավորում է իր ողջ անհատականությունը:

Ռեյ Բրեդբերի «Ժպիտը»

Բայց նա ախր,— դանդաղ ասաց Թոմը,― ախր նա շատ գեղեցիկ է։
Բրեդբերիի այս փոքրիկ պատմվածքը արժեքների, դրանց ոչնչացման, ամբոխի, մարդկային բազմաբնույթ անհատականությունների մասին է և նրանց մասին, ովքեր իրենց մեջ դեռ կրում են լույսը:

Նյութի հեղինակ՝ Ֆլորա Օհանյան

 

Դիտեք ավելին Հետաքրքիր փաստեր բաժնում

մեկնաբանություններ