«Գրքամոլ Ակումբ»-ի բարեգործական այցը դեպի «ՍՕՍ մանկական գյուղեր» մանկատուն

2014-11-08 4927

Հոկտեմբերի 8-ին Գրքամոլ Ակումբն այցելեց Կոտայքի մարզում գտնվող «ՍՕՍ մանկական գյուղեր» մանկատունը: Այցը կրում էր բարեգործական բնույթ, որի շրջանակներում «Գրքամոլ Ակումբ»-ի կողմից մանկատանը նվիրվեց 100-ից ավել մանկական գրքեր և տասնյակ խաղալիքներ, որոնք անչափ ուրախություն պարգևեցին մեր մանուկներին ու պարգևեցին ուրախ ժպիտներ: Մանկատան երեխաները մեզ ցույց էին տալիս իրենց կացարանները, ներկայացնում էին իրենց առօրյա զբաղմունքները, մեզ էին ցուցադրում իրենց ստեղծագործական աշխատանքները և մեծ ոգևորությամբ պատմում իրենց երազանքների ու նպատակների մասին: «Գրքամոլ Ակումբ»-ի անդամների և հայ հրաշամանուկների միջև բավական երկար զրույցների արդյունքում երկուստեք առաջացել էր հաճելի մթնոլորտ, և այցի վերջում կողմերից և ոչ մեկը չէր կարողանում բաժանվել մյուսից: Բոլորիս՝ թե՛ ակումբի անդամներին, թե՛ մեր փոքրիկներին պարուրել էր բարությունը, ազնվությունը և հոգատարությունը մեկը մյուսի հանդեպ, դիմացինին օգնելու պատրաստակամությունն ու սերը դեպի մարդիկ: Սա «Գրքամոլ Ակումբ»-ի կողմից կազմակերպվող անդրանիկ բարեգործական այցն էր, և մոտ ապագայում նման միջոցառումները կկրեն ավելի հաճախակի և է՛լ ավելի մեծամասշտաբ բնույթ:

Հ.Գ. Նրանք նայում էին ու տեսնում, որ տանում ենք, ու նույնիսկ չեն էլ կասկածում, թե որքան բան հետներս բերեցինք... Բոլոր նկարները դիտելու համար սեղմեք՝ այստեղ

Դիտեք ավելին Գրքամոլ Ակումբ բաժնում

մեկնաբանություններ