Հենրի Ռայդեր Հագարդ «Մոնթեսումայի դուստրը»

2015-01-05 4748

► Ասում են փոքր բանից մեծ բան է ծնվում, բայց այստեղ պատահեց հակառակը…

► Նրանք, ովքեր  երկրիս երեսին  թանկ  ու  սրտակից  են եղել  միմյանց  համար, երբևիցե  կհանդիպեն  մի  այլ  աշխարհում:

► Տղամարդը կարող է շատ կանանց սիրել, բայց և այնպես հավատարիմ մնալ մեկին, նրանցից ամենալավին: Սիրո օրենքի տառը նա կարող է խախտել և միաժամանակ սրբությամբ պահպանել այդ օրենքի ոգին և էությունը:

► Թեկուզ  և  անջատ` միասին ենք  հոգով…

► Չարիքը երբեք բարիք չի բերում, չարիքը միայն չարիք է ծնում և վերջ ի վերջո ծանրանում է հենց նրա գլխին, ով գործել է չարիքը, լինի նա մեկ մարդ, թե` մի ամբողջ ժողովուրդ:

► Նա` ով ըմբռնել է մարդկանց բնավորությունը, կարող է դառնալ տղամարդկանց տիրակալը կամ թե նրանց տիրակալների`  կանանց տիրակալը:

► Բարի սիրտ ունեցող մարդկանց վրիպումները հաճախ ավելի լավ են, քան անսիրտ մարդու հաջողությունները:

► Իմ կյանքն ինձ համար ոչինչ է…իսկ քո սերն ամեն ինչ է...

► Լավ է ազատ մեռնել, քան  ստրուկ ապրել:

► Ով վերջինն է խփում, նա ավելի ուժեղ է խփում:

► Մենք խիստ շատ ենք խոսում մեր պատանեկության վշտերի մասին: Եթե մեր սիրած աղջիկը լքում է մեզ, մենք աշխարհը խլացնում ենք հեկեկանքով և երդվում, թե այժմ կյանքը մեզ համար ոչինչ է: Բայց, իսկական սոսկալի վիշտը մենք զգում ենք միայն այն ժամանակ, երբ առաջին անգամ խոնարվում ենք մեր երեխայի անշնչացման մարմնի վրա: Ասում են` ժամանակը բուժում է վերքը: Ճիշտ չէ: Այդպիսի վերքը ժամանակը բուժել չի' կարող: Ես ծեր մարդ եմ, և այս գիտեմ

► Սերն ավելի երկար է տևում, քան զայրույթը և վերջին հաշվով, վաղ թե ուշ հաղթում է:

► Սովորաբար առաջին սիրո վրա ծիծաղում են, բայց եթե դա իրական սեր է, եթե դա պարզապես կրքի արթնացման բռնկում չէ, այդպիսի սերը դառնում է նաև վերջին սեր, հավերժական սեր, ամենաերջանիկ կամ ամենադառն բախտ, որ կարող է բաժին ընկնել տղամարդուն կամ կնոջը:

► Մի՞թե մեռածներին խանդում են: Վիճել կարելի է ողջերի հետ, բայց ինչպես պայքարել այն սիրո դեմ, որի վրա մահը կատարելության կնիք է դրել և դարձրել անմահ:

► Որքան բարձր է կանգնած մարդը, այնքան ավելի անխուսափելի է նրա կործանումը:

Հ.Գ. Եթե դուք ունեք մեջբերումներ՝ դուրս բերված այս գրքից, ապա կարող եք ուղարկել մեզ հետադարձ կապով:

մեկնաբանություններ