Ժյուլ Լերմինա «Մոնտե Քրիստոյի որդին»

2015-05-13 3549
► Երբ տառապող մարդը նայում է ծովին, ցավը կարծես փոքր-ինչ թեթևանում է: ► Ուրիշի վրա զենք բարձրացնելու պատճառն այն է, որ վախենում ես, թե նրանք առաջինը կբարձրացնեն:-Վարթոն ► Խենթերը հարբածների ու կատուների նման են՝ միշտ չորս թաթի վրա են ընկնում:-Գրաթիե ► Պատերազմում ամեն խորամանկություն օգտակար է, ամեն թակարդ՝ խրախուսելի:-Մալտար ► Չար էությունները ատելության հոտը շուտ են առնում: ► Նա, ով բազուկներում ուժ և կրծքի մեջ սիրտ ունի, չի կարող չփրկել բարեկամին:-Ժիրտել ► Պատվախնդիր մարդիկ երբեմն ծայրահեղ քաջասրտություն են ունենում:-Սիբրիեն ► Կառքը որքան էլ հավասարակշռված լինի, ավազի մի հատիկն անգամ կարող է տապալել այն:-Սիբրիեն ► Բնությունը հարձակվում է դիմացից և անհնար է նրան հարվածել թիկունքից: ► Հաջողության ձգտողը հօգնելուց չպիտի վախենա:-Մարկիզ Ֆուժըրոզ ► Չքավորությունը անպատվություն չէ:-Պիեռ Լապար ► Հիշատակներ կան, որոնք չեն փոխարինվում ոսկով:-Կոնտրան ► Կյանքում լինում են այնպիսի վայրկյաններ, երբ անտանելի է դառնում ուրիշի միջամտությունը: ► Երբեմն ամենաճշմարիտ պերճախոսությունը լռություն է լինում: ► Մեծ լինելու համար մարդ մի քիչ գոնե տառապած պիտի լինի: ► Երեխա վնասողը չափահաս սպանող մարդասպանից ավելի ոճրագործ է: ► Այն խելոք պատանին, որ չափավորում է իր զգացմունքները, վերլուծում է իր տպավորությունները ու կշռադատում կատարած քայլը, կատարյալ լինել չի կարող: ► Մարդ կարող է մենամարտել միայն այն մարդու հետ, ում հարգում է:-ՖանՖար ► Ճակատագիրը սոսկալի բան է, և ոճիրը սերմանողը հուսահատություն է հնձում:-Պիեռ Լապար ► Քաղաքական դատավարությունները նման են միմյանց: Բոլորն էլ նյութապաշտության արշավ են ավելի, քան արդարադատության անողոք խոսք: Հ.Գ. Եթե դուք ունեք մեջբերումներ` դուրս բերված այս գրքից, ապա կարող եք ուղարկել մեզ հետադարձ կապով:

մեկնաբանություններ