Մհեր Արշակյան «Յանուսի Օրագրերը»

Այն կողմ

Եթե դուք պարզապես տեսնում եք ծառը, չեք նկատի նրա անհետանալը:

Հընթացս...

Մեծագույն պրոբլեմը՝ երբեք առիթ չեմ ունեցել մարդ լինել մարդկանց նկատմամբ:

Երբ սեր չկա

Երբ ընտանիքում սեր չկա, նույնն է, թե երեխան մեծանում է մանկատանը:

Դժոխքում...

Դժոխքում չեն տանջվում, տառապում են...

Էթիկայի գիտակը

Պեկինի դիվանագիտական հաալսարանի մի ուսանող քարտեզի վրա Հայաստանը չգտնելով ինձ ասում է. «Էթիկայից ելնելով չեմ ուզում հարցնել, թե ինչքան է ձեր բնակչությունը»:

Հայտ

Ոչինչ այնքան չի ուժեղացնում դավաճանությունը, որքան՝ ապացույցները: Խոստովանիր, պատմիր, և դու մաքուր ես, ինչպես սպիտակ թուղթ...

Առանց հասցեի

Գերեզմանաքար դնելն ազնիվ չէ, որովհետև մարդու իմաստը հող դառնալն է, և ոչ թե հետմահու հասցե ունենալը: Ճշմարիտ գերեզմանաքարը մարդու հիշատակն է, իսկ քարը անապատականացնում է մարդուն:

Ահա թե ինչ...

Մարդը ձևավորվում է մեղավորությամբ...

Մարդ եղեք...

Ինձ, ըստ էության, ոչնչացնում է այն, երբ իմ ծանոթ գեղեցկուհին ինձ հարցնում է իմ կնոջ ողջության մասին:

Արգելողն ո՞վ է

Ատում եմ «արգելվում է» բառը: Այդ ինչքա՞ն իռացիոնալ պիտի լինես, որ բանը հասցնես այդ բառին: Ոչ թե արգելվում է սպանել, այլ՝ մի սպանիր: