Օնորե դը Բալզակ «Հայր Գորիո»

2014-09-10 13513

► Լիլիպուտային հոգիների տեր մարդկանց ամենաողորմելի սովորություններից մեկն էլ այն է, որ կարծում են, թե դիմացինն էլ մանր հոգի ունի:

► Ազնիվ մարդը պետք է ամենուրեք պահի իր արժանապատվությունը:

► Սիրտ ասվածը մի գանձ է, փորձիր դատարկել այն և կկործանվես:

► Կանայք միշտ էլ ճշմարիտ են, մինչև իսկ իրենց ամենամեծ կեղծիքների մեջ, որովհետև նրանք հպատակվում են ինչ-որ բանական զգացմունքի:

► Մաքուր հոգիները երկար չեն ապրում այս աշխարհում: Եվ իսկապես, մեծ զգացուներն ինչպես կարող են համատեղվել ցած, չնչին և մակերեսային հասարակության հետ:

► Չկա ավելի գեղեցիկ բան, քան նավը, երբ պարզված են առագաստները, քան ձին, երբ ընթանում է քառասմբակ, և կինը, որ պարում է:

► Մեր ֆանտազիաները պահանջում են ժամանակ, ֆիզիկական միջոցներ կամ ջանք:

► Հարստությունը չարժի փոքրոգությանը, մեզ ցույց տանք նույնքան գործնական, որքան վաշխառուն է:

► Երջանկությունը կա՛մ կյանքը մաղող ուժեղ հույզերի մեջ է, կա՛մ կանոնավորված զբաղմունքների, որոնք այն դարձնում են ճշտությամբ գործող անգլիական մի մեխանիզմ. բնության գաղտնիքների մեջ թափանցելու ձգտումը և նրա երևույթները բացահայտելով որոշ արդյունքների հասնելը:

► Երբ մարդ խաբում է, նա այլևս անհաղթահարելի կերպով ստիպված է լինում սուտը ստի ետևից գլորել:

► Աշխարհը մի աղբանոց է, աշխատեք մնալ բարձունքներում։

► Նրան պակասում էր այն, ինչը կնոջը 2-րդ անգամն է կին դարձնում` շորերը և սիրային նամակները:

► Երջանկությունը կանանց պոեզիան է, ինչպես արդուզարդը նրանց սնգույրն է:

► Կանայք սիրում են անհնարինը հնարավոր ցույց տալ, նրանք սիրում են իրենց նախազգացումներով հերքել փաստերը:

► Զգացմունքը իր դրոշմն է դնում ամեն ինչի վրա և տարածություներ է կտրում:

► Նամակը հոգու նման է, նա այնքան հարազատ արձագանք է խոսող ձայնի, որ նուրբ հոգիների համար սիրո ամենահարազատ գանձերից է համարվում:

► Ով կարող է ասել, թե որն է ավելի զարհուրելի՝ ցամաքած սրտեր տեսնելը, թե դատարկ գանգերին նայելը։

► Կյանքը խոհանոցից լավ չէ․ նրա նման հոտում է, և անպայման պետք է, որ մարդս ձեռքերը կեղտոտի, եթե ուզում է ճաշակել։  Միայն իմացեք, որ պետք է լվացվել, պետք է մաքուր երևալ․ այդտեղ և միայն այդտեղ է մեր դարաշրջանի ամբողջ բարոյականությունը։

► Եթե մարդկային սիրտը հանգստի կետեր է գտնում  մագլցելով սիրո բարձունքն ի վեր, ապա հազվագյուտ է կանգ առնում, երբ սկսվում է ատելության զգացմունքների արագ վայրէջքը:

► Ինչպես առանց փողի մնացած մարդուն մենք չենք ներում, այնպես էլ չենք ների այն մարդուն, որն իր զգացումներն ամբողջապես բաց է անում, մերկանում է:

► Սիրտ ասվածը մի գանձ է. Փորձիր դատարկել այն և կկործանվես։

► Մարդն ամենուրեք նույնն է. ամենուրեք հաստատված է հարուստի և աղքատի կռիվը, ամեն տեղ դա անխուսափելի է, ավելի լավ է ուրեմն շահագործող լինել, քան թե շահագործվող:

► Սերը, թերևս, ուրիշ բան չէ, եթե ոչ երախտագիտություն ստացած վայելքի համար։

► Սկզբունքներ գոյություն չունեն․ կան միայն դեպքեր։  Օրենքներ գոյություն չունեն․ կան միայն հանգամանքներ։  Մեծ մարդը նա է, ով դեպքերն ու հանգամանքներն իրար մոտ է բերում, կապում և առաջ վարում նրանց։

► Եթե երբևիցե սիրեք, պահեք ձեր գաղտնիքը, բաց մի արեք այն, առանց նախապես իմանալու, թե ում համար եք բացում ձեր սիրտը, իսկ որպեսզի կարողանաք նախապես անվտանգ պահել այդ սերը, որը դեռ գոյություն չունի, սովորեք մարդկանցից զգույշ մնալ։

► Եթե գրոհում ես երկնքի դեմ, պետք է նշան բռնես Աստծուն:

► Կինը իր սիրած էակի պատճառով կրած տանջանքի մեջ պետք է մեծ հաճուք գտնի:

► Վարվեք մարդկանց հետ ըստ նրանց ունեցած արժանիքների:

► Երբ կինը զգում է, որ բաժանման ժամը հասել է, նա իր սիրեկանի ամենափոքր շարժման նշանակությունն ավելի շուտ և հեշտությամբ է կռահում, քան Վիրգիլիոսի ձին զգում էր սիրո հայտնության հեռավոր բույրը:

► Չկա ավելի տհաճ բան, քան այն երբ մարդ իր տկարությունը ծածկել չի կարող:

► Պատիվը, ուղղամտությունը ոչ մի բանի պետք չեն: Մարդիկ հանճարի իշխանության տակ կռանում են, հանճարեղ մարդուն ատում են, աշխատում են զրպարտել նրան, որովհետև նա վերցնում է առանց մնացորդի, առանց բաժին հանելու, այնուամենայնիվ կռանում են, եթե նա չթուլանա. մի խոսքով` ծնկաչոք պաշտում են նրան, եթե չկարողանան նրան ցեխի մեջ թաղել: Ստորությունն ու ապականությունը ուժեղ են: Տաղանդն է սակավ: Ապականությունը, զեղծումն ու կաշառակերությունը միջակությունների ձեռքին զենքեր են, իսկ միջակությունները վխտում են. դուք ամեն տեղ զգում եք նրանց սուր խայթոցը:

► Կատարյալ մարդ չկա: Մարդ ասածը առավել կամ նվազ չափով կեղծավոր է:

► Երբ ձեզնից կարծիք հարցնեն, ծախեցեք այն: Ով ինքնագովությամբ ասում է, թե իբր երբեք իր կարծիքը չի փոխում, նման է այն մարդուն, որը միշտ ուղիղ գծով է գնում. նա հիմարի մեկն է, որովհետև հավատում է, թե անսխալականությունը հնարավոր է: Սկզբունքներ գոյություն չունեն, կան միայն դեպքեր: Օրենքներ գոյություն չունեն, կան միայն հանգամանքներ: Մեծ մարդը նա է, ով դեպքերն ու հանգամանքները իրար մոտ է բերում, կապում և առաջ վարում նրանց: Եթե հաստատուն սկզբունքներ և օրենքներ գոյություն ունենային, ապա ժողովուրդները դրանք չէին փոխի, ինչպես մենք ենք փոխում շապիկի նման:

► Կա՞ ավելի գեղեցիկ բան, քան երբ նայում ես կյանքիդ վրա և գտնում ես, որ նա մաքուր և անարատ է ինչպես շուշան:

► Ցանկությունները բորբոքվում են թե դժբախտություններից և թե հեշտ հաղթանակից: Անկասկած, մարդկանց բոլոր կրքերը զարթնում և պահպանվում են շնորհիվ այս երկու պատճառներից մեկն ու մեկի, սրանք երկուսով բաժանում են իշխանությունը սիրո կայսրության մեջ:

► Աստված իմ, մի՞թե բնական չէ ամեն ինչ բաժանել այն էակի հետ, որին պարտական ենք մեր երջանկությունը: Երբ ամբողջն ես տալիս, էլ ով կարող է մտածել այդ ամբողջի մի փոքր մասի համար: Փողն արժեք է ստանում միայն այն ժամանակ, երբ չքանում են զգացմունքները: Չէ որ մենք միանում ենք ապրելու համար: Մեզնից որ կինն է, որ կարող է նախատեսել անջատումը, երբ իրեն շատ սիրված է կարծում:

► Սերը կրոնի նման է, և նրա պաշտամունքը բոլոր մնացած կրոնների պաշտամունքից ավելի թանկ արժե:

► Երբեք չամուսնանաք, երեխաներ չունենաք: Դուք նրանց կյանք եք տալիս, իսկ նրանք ձեզ մահ կտան: Դուք նրանց աշխարհ եք մտցնում, իսկ նրանք ձեզ այնտեղից քշում են:

► Գուցե մարդկային բնությունն է այդպես, մենք ուզում ենք բոլոր բեռը տալ այն մարդուն, որ ամեն ինչ տանում է ճշմարիտ խոնարհությամբ, տկարությամբ կամ անտարբերությամբ:

► Մանր հոգիներն իրենց լավ կամ վատ զգացմունքներին բավականություն են տալիս անհատնում չնչին բաներով:

► Դա մի անմեղ կապ էր երկու անձերի միջև, որոնք նրանում այնքան հրապույրներ են տեսնում, որ երրորդ անձի ներկայությունը տանել չեն կարող:

► Փեսա ասածը այն է, որ մեզնից առնում, խլում է մեր աղջիկը, գրավում է նրա սերը և դարձնում է այն մի կացին, որպեսզի նրանով այդ հրեշտակի սրտում թարմ-թարմ կտրի բոլոր այն զգացումները, որոնցով նա իր ծնողների հետ է կապվում:

► Ուրիշին երջանիկ դարձնելու համար երիտասարդ աղջիկը գողի նման խորամանկ է դառնում:

► Հենց որ մի դժբախտություն է պատահում, միշտ էլ կգտնվի մի բարեկամ, որ պատրաստ է գալու քեզ հայտնելու քո դժբախտության մասին և քրքրելու քո սիրտը դաշույնով, թույլ տալով, որ հիանաս դաշույնի կոթով:

► Ես չէի սպասում, որ մեր երջանկությունը ինձ արցունքներ պիտի տար...

► Շունը իսկույն կարող է գուշակել, թե անծանոթ մարդն իրեն սիրում է թե ոչ:

► Շատ հոգնեցուցիչ է, երբ շարունակ ցանկանում ես, առանց երբեք գոհացում ստանալու:

► Ես լավ եմ լինում բոլոր նրանց հետ, որոնք ինձ լավ են կամենում, որոնց սիրտը խոսում է իմ սրտին:

► Այժմ ես ամեն ինչ գիտեմ. ինչքան սառնությամբ հաշիվ տեսնեք, այնքան հեռու կգնաք:

► Նա մտածում էր ուսանողների մեծ մասի նման, սպասում էր, որ քննությունների օրերը մոտենան, և այն ժամանակ նոր սկսի պարապել:

► Պետք է միշտ իր արժանիքը պահել գիտենալ:

► Լքում, ահա իմ վարձատրությունը:

► Ինչքան ուժեղ և անկեղծ է սերը, այնքան նա պիտի լինի թաքուն ու խորհրդավոր:

► Հիմարություններ դուրս տվող, անխորհուրդ, դատարկագլուխ մարդկանց տրամաբանությամբ բոլոր նրանք, ովքեր իրենց գործերի մասին չեն խոսում, անպայման մի վատ բանով են զբաղված:

► Մարդը, դժվարին կացության մատնվելու դեպքում, մի ակնթարթում ձեռք է բերում արտակարգ հատկություններ:

► Երբ մարդը խաբում է, նա այլևս անհաղթելիորեն ստիպված է լինում սուտը ստի հետևից գլորել:

► Անհայտ ծագումով մեծ հարստությունների տակ միշտ թաքնված մի ոճիր կա, որ մոռացվել է, որովհետև կատարվել է վարպետությամբ:

► Անհաջողությունը միշտ թև է տալիս մեր հանդուգն հավակնություններին:

► Միայն մի իրական զգացմունք գոյություն ունի, այդ էլ մարդու բարեկամությունն է մարդու հանդեպ:

► ՀՆԱԶԱՆԴՈՒԹՅՈՒՆԸ ձանձրալի է, ԸՄԲՈՍՏՈՒԹՅՈՒՆՆ` անհնար, իսկ ՊԱՅՔԱՐԸ` անստույգ:

Հ.Գ. Եթե դուք ունեք մեջբերումներ` դուրս բերված այս գրքից, ապա կարող եք ուղարկել մեզ հետադարձ կապով:

Դիտեք ավելին Մեջբերումներ Գրքերից բաժնում

մեկնաբանություններ