Օնորե դը Բալզակ «13-ի պատմությունը. Դքսուհի դը Լանժե»
2013-07-22 5049
► Երբ մի վիրավորանք հրապարակային է, կինը սիրով մոռանում է այն, դառնում է մեծահոգի, վեհանձն ու ահնիշաչար. բայց կանայք երբեք չեն ների թաքուն վիրավորանքները, որովհետև նրանք գաղտնիքներ չեն սիրում ո՛չ ստորությունների, ո՛չ առաքինությունների, ոչ էլ սերերի մեջ:
► Սերն ու կիրքը երկու տարբեր հոգեվիճակներ են, որ շարունակ շփոթում են պոետներն ու աշխարհիկ հասարակության մարդիկ, փիլիսոփաներն ու տգետները: Սիրո մեջ կա զգացումների փոխադարձություն, անխաթար երջանկության հավաստիք և այնպիսի մնայուն բերկրություններ, փոխադարձություն, սրտերի այնպիսի կատարյալ միակցություն, ուր խանդը բացառված է: Տիրանալն այդ դեպքում ոչ թե նպատակ է, այլ միջոց. անհավատարմությունը հարկադրում է տանջվել, բայց չի անջատում. հոգին ցնցումներ չունի, ո՛չ բորբոքուն է, ո՛չ խռովահույզ, այլ անդադրում երջանկության մեջ է. մի խոսքով, աստվածային շնչով բորբոքված ցանկությունը տարածվում է ժամանակի անսահմանության մեջ, ներկվելով մի գույնով: Կյանքը կապույտ է, ինչպես լուրթ երկինքը: Կիրքը նախազգացումն է սիրո և սրա անսահմանության, որին ձգտում են տառապյալ հոգիները: Կիրքը հույս է, որ կարող է խաբվել: Կիրքը միաժամանակ նշանակում է թե՛ տառապանք և թե՛ փոխանցում. կիրքը մարում է, երբ մեռնում է հույսը: Տղամարդիկ և կանայք կարող են, առանց ամոթի, ունենալ բազմաթիվ կրքեր. միանգամայն բնական է երջանկության ձգտելը. բայց կյանքում միայն մի սեր կա...
► Տղամարդկանց կողմից լքվելու պատճառը միշտ էլ կանանց զոհաբերություններն են:
► Առանց պատճառի ոչ մի կին չի համարձակվի դիմադրել սիրույն, սիրույն զիջելուց ավելի բնական բան չկա:
► Սիրո մեջ սպասումը մի՞թե չի նշանակում անընդհատ սպառվել հույսից, անձնատուր լինել կրքի խարազանումին, որը սոսկալի է, բայց միաժամանակ բերկրալի, որովհետև նա չգիտե իրականության բերած հիասթափությունը: Սպասումը, ուժի և ցանկությունների հարատև բախումով, մի՞թե մարդկային հոգու համար այն չէ, ինչ բուրումնալի արտաշնչությունը որոշ ծաղիկների համար:
► Կնոջ վերջին սերը միայն կարող է գոհացնել տղամարդու առաջին սիրույն:
► Եթե չլիներ հավերժության հավատը, սերը ոչինչ չէր արժենա, միայն հավերժությունն է այն վեհացնում:
Հ.Գ. Եթե դուք ունեք մեջբերումներ՝ դուրս բերված այս գրքից, ապա կարող եք ուղարկել մեզ հետադարձ կապով:
Դիտեք ավելին Մեջբերումներ Գրքերից բաժնում
մեկնաբանություններ