Գրքամոլ Ակումբը մասնակցեց «Պատրվակ 50+1» միջոցառմանը

2015-06-28 4007
Հունիսի 24-ին Գրքամոլ Ակումբը Տերյան մշակութային կենտրոնում մասնակցեց գրող, գրականագետ Հովիկ Չարխչյանի կողմից կազմակերպված «Պատրվակ 50+1» միջոցառմանը: Միջոցառման նպատակն էր մի հարկի տակ հավաքել հեռու և մոտիկ, ծանոթ ու անծանոթ ընկերներին, հարազատ մարդկանց, նստել մեկ գավաթ սուրճի շուրջ և զրուցել կարևոր ու անկարևոր բաներից: Հանդիպման ժամանակ գրողը ներկայացրեց նաև իր նոր՝ «Մինչև աշխարհի ծայրը» վիպակը, խոսելով գրքի ստեղծման պատմության մասին: Հանդիպումն անցավ բավականին մտերմիկ և ջերմ միջավայրում, իսկ հանդիպման ավարտին գրողը նվիրեց գրքեր` յուրահատուկ մակագրություններով: Միջոցառումը կարևոր մի քայլ էր, որի արդյունքում գրողը հնարավորություն ունեցավ ներկայացնելու իր աշխատանքը, հանդիպելու իր ընթերցասերների հետ, լսելու նրանց կարծիքները, պարզապես շփվելու նրանց հետ և ինչու չէ՝ համեմատականներ տանելու իր այլ ստեղծագործությունների վերաբերյալ: Արդյունքում` թե՛ գրողը, և թե´ ընթերցասերները գոհ մնացին հանդիպումից, քանզի «Պատրվակ 50+1» խորագիրը արդարացված էր. որովհետև գրողը գտավ հանդիպելու պատրվակը, իսկ ներկաները՝ գնահատեցին այն: Հանդիպման բոլոր նկարներն՝ այստեղ:

Դիտեք ավելին բաժնում

մեկնաբանություններ