Գրքամոլ Ակումբ. Խումբ Երրորդ. Քննարկում Տասնվեց. Օսկար Ուայլդ «Դորիան Գրեյի Դիմանկարը»
2017-06-15 5195
Սույն թվականի հունիսի 10-ին Ավ. Իսահակյանի անվան գրադարանում տեղի ունեցավ Գրքամոլ ակումբի երրորդ խմբի հերթական հանդիպումը, որտեղ քննարկման թիրախն էր Օսկար Ուայլդի «Դորիան Գրեյի դիմանկարը»։ Քանի որ ակումբականները գտնվում են երրորդ մակարդակում, քննարկումն ընթացավ երկու փուլով՝ սկզբում դիտեցին ստեղծագործության մոտիվներով նկարահանված ֆիլմը, այնուհետև տեղի ունեցավ գրքի քննարկումը՝ համեմատության մեջ դնելով այն ֆիլմի հետ։ Գրքի մի շարք գաղափարներ՝ գեղեցիկի, սիրո, ֆիզիկական և հոգևոր աշխարհների համեմատականի վերաբերյալ բաց էին թողնված ֆիլմում։ Վերջինս հիմնականում ներկայացնում էր պատմությունը՝ բաց թողնելով հիմնական գաղափարներն ու ասելիքը։ Եվ չնայած դրան՝ ֆիլմում կային նաև գեղեցիկ լուծումներ։ Սակայն ակումբականները հասկացան, որ այն բավականին զիջում է ստեղծագործությանը, ուստի գրքի գաղափարը իր ամբողջության մեջ ընկալելու համար միայն ֆիլմը դիտելը բավարար չէ։ Հաջորդ հանդիպումը տեղի կունենա հունիսի 24-ին, որտեղ քննարկվելու է Էմիլի Բրոնտեի «Մոլեգին հողմերի դարավանդը» գիրքը և դիտվելու համապատասխան ֆիլմը։
Հ․Գ․ Հանդիպման բոլոր նկարներն՝ այստեղ։
Դիտեք ավելին Գրքամոլ Ակումբ բաժնում
մեկնաբանություններ