Ռոջեր Մքգոֆ. Բանաստեղծություններ

Եթե կյանքը ձանձրալի կինոնկար է, ինչո՞ ւ չթողնել ու դուրս գալ կեսից

Շատ մի հոգա
մի օր կինոսարքը լքված կգտնենք
Լույսերը հանգած
Պահարանները կողպած
Տոմսերը պատռված
Անվավեր տոմսերի մեջ
իսկ մեխանիկին` իր տնային մղձավանջին
Վերադարձած:
Շատ մի հոգա
այդ նկարը դեռ կշարունակվի
(այն մեկը` մայրամուտի մասին)
երկու ձիեր կգտնենք
առջևի շարքից կապված
կհեծնենք
ու կսլանանք հեռու
դեպի
մեր
երջանիկ
ավարտը:

Ողջակյացը

Ամեն օր
մտածում եմ մահվան մասին:
Հիվանդության, սովամահության,
բռնության, ահաբեկչության, պատերազմի,
աշխարհի վերջի մասին:

Այսպիսով կարողանում եմ
միտքս շեղել կյանքի լուրջ բաներից: