Թոմաս Հարդի «Տեսսը դը Էրբըրվիլների տոհմից»

2013-11-21 3694
► Կյանքի վեհությունը ոչ թե արտաքին տեղաշարժերի, այլ անհատական ապրումների մեջ է: ► Կանայք, որպես կանոն, այդպիսի ստորացումների ենթարկվելուց հետո նորից են գտնում իրենց ուժերը և նորից են հետաքրքրությամբ դիտում շրջապատը: Քանի կյանք կա, հույս էլ կա, և «խաբվածներին» այդ հավատն այնքան անծանոթ չէ, ինչպես էլ կարծում են որոշ բարեհոգի տեսաբաններ: ► Բնազդը նրան հուշում էր, որ իր սեռին յուրահատուկ խորամանկությունը, որի միջոցով կանայք ընդհանրապես հրապուրում են տղամարդուն, կարող էր գարշելի երևալ այնպիսի մի իդեալական մարդու, որին սեր էր խոստովանել, քանի որ խորամանկությունը իր իսկ էությամբ արհեստական է: ► Լսում էի գոհունակություն արտահայտող նրա լռությունը, ժամանակ առ ժամանակ ոչ ուժեղ ծիծաղը, որի մեջ նրա հոգին էր ճախրում. դա սիրած մարդու կողքին քայլող կնոջ ծիծաղ էր, մի մարդ, որը բոլոր կանանց միջից ընտրել էր իրեն. այդ ծիծաղը բնության մեջ իր նմանը չունեցող ծիծաղ էր: ► Բոլորը գիտեն, որ գեղեցիկ փետուրները զարդարում են թռչնակին. գեղջկուհին, որն իր աշխատանքային շորով հազիվ է իր վրա գրավում պատահական դիտողի հայացքը, կփայլի ապշեցուցիչ գեղեցկությամբ, երբ նրան հագցնես գեղեցիկ՝ օգտագործելով արվեստի բոլոր նրբաձևերը. մինչդեռ կեսգիշերային աղմկալից հանդեսներում գեղեցկությամբ փայլող կինը հաճախ կունենա ողորմելի տեսք, եթե ամպամած մի օր նրան հագցնես շաղգամի միապաղաղ ակրի վրա աշխատող կնոջ խալաթ: ►  - Կրկնում եմ այն կինը, որին սիրում էի, դու չես: - Բայց ո՞վ է: - Մի այլ կին քո կերպարանքով: ► Մարդու արժանիքը պայմանականություններին հետևելու մեջ չէ, այլ այնպիսի երևույթների, ինչպիսիք են ճշմարտությունը, համեստությունը, արդարությունը, անարատությունը, գեղեցիկն ու բարի համբավը... ► Խաբված ազնիվ մարդու դաժանությունը հաճախ ավելի ուժեղ է լինում, երբ նա լուսավորվում է: ► Նրանք, ովքեր գալիս են ծաղրելու, երբեմն մնում են աղոթելու: ► Եղիր օրինակելի խոսքի, խոսակցության, գթասրտության, ոգու, հավատի և անարատության մեջ:-Պոլ Հ.Գ. Եթե դուք ունեք մեջբերումներ՝ դուրս բերված այս գրքից, ապա կարող եք ուղարկել մեզ հետադարձ կապով:

մեկնաբանություններ