Թրումեն Կապոտե «Նախաճաշ Թիֆընիի մոտ»

► Ոչինչի տեր չեմ ուզում լինել, մինչև վստահ չլինեմ, որ գտել եմ իմ տեղը: Ես դեռ հաստատ չգիտեմ էլ, թե որն է այդ տեղը: Բայց գիտեմ, թե ինչի է նման:

► Տխրել կարելի է գիրանալու համար, կամ երբ անձրևը երկար չի դադարում: Դու տխրում ես, և վերջ: Իսկ երբ ուզում ես քեզ պատեպատ տալ, ուրեմն բանը վատ է, դրանք սարսափելի օրեր են: Վախենում ես, վախից քրտինք է տալիս վրադ, իսկ թե ինչից ես վախենում, ինքդ էլ չգիտես: Վախենում ես, որ մի զարհուրելի բան պիտի կատարվի, բայց թե ինչ՝ չգիտես:

► Քեզ հետ ոչ մի վատ բան չի կարող պատահել այդպիսի տեղում, ուր այնքան բարի, լավ մարդիկ են հավաքված, ուր այնքան հաճելի տարածված է արծաթի ու կոկորդիլոսի կաշվից քսակների բուրմունքը: Եթե կարողանայի գտնել ապրելու մի տեղ, ուր զգայի ինձ, ինչպես Թիֆընիի մոտ, այ, այդ ժամանակ կգնեի կահույք և կատվին անուն կտայի:   

► Ջինը նույնքան վնասակար է հնարքներ բանեցնող կնոջ համար, որքան արցունքը՝ ներկած աչքի համար:

► Նա մեծ կրքով նկարագրում էր ամառը, լողը, ծննդյան տոնածառը, իր սիրունիկ զարմուհիներին, երեկույթները, կարճ ասած, նա ներկայացնում էր իրեն երջանիկ, երբ երբեք երջանիկ չէր եղել և ոչնչով ցույց չէր տալիս, որ այդ բոլորը չէր կարող ունենալ տնից փախած երեխան:

► Ով քեզ կարողացել է մխիթարել, նրան պարտական ես մինչև մահ:

► Եթե, օրինակ, դու գայիր ու ինձ ասեիր, որ ուզում ես կապվել ռազմանավի հետ, ես կհարգեի քո զգացմունքը: Լուրջ եմ ասում: Սիրո համար ոչ մի արգելք չպետք է լինի: Այդպես եմ մտածում: Մանավանդ հիմա, երբ սկսեցի հասկանալ, թե ինչ է դա:

► Եթե ուզում ես քեզ համար լավ լինի, ինքդ պետք է լավը լինես: Լա՞վը: Ավելի ճիշտ կլինի ասել ազնիվ: Ոչ թե օրենքի առաջ, քրեական օրենսգրքի առաջ ազնիվ լինես,— ես կարող եմ գերեզման կողոպտել,  մեռյալի աչքերից քսանհինգ սենթանոցը հանել օրվա վայելքի համար,— այլ ազնիվ լինես ինքդ քո առաջ: Ով ուզում ես եղիր, միայն ոչ վախկոտ, կեղծ, կեղծավոր, միայն ոչ պոռնիկ: Լավ է ես քաղցկեղ ունենայի, քան անազնիվ սիրտ: Եվ սա բարեպաշտությունից չէ: Գործնական մոտեցում է: Քաղցկեղից գոնե մեռնում ես, իսկ այդ սրտով ապրելն ապրել չէ:  

Հ.Գ. Եթե դուք ունեք մեջբերումներ դուրս՝ բերված այս գրքից, կարող եք ուղարկել մեզ հետադարձ կապով: