2019 թվականի լավագույն գրքերն ըստ Ամազոնի

2020-03-05 16296

1. Էլիզաբեթ Գիլբերթ, «Աղջիկների քաղաք»

Նյու Յորք Թայմզի հայտնի բեսթսելեր «Կեր, աղոթիր, սիրիր» գրքի հեղինակ Էլիզաբեթ Գիլբերթի գրչին պատկանող գլամուրային, սեքսուալ և արկածային «Աղջիկների քաղաք» նովելը պատմում է մի երիտասարդ կնոջ մասին, ով բացահայտում է, որ լավ անձնավորություն լինելու համար ամենևին էլ կարիքը չկա լավ աղջիկ լինելու:

89 ամյա Վիվիանը ընթերցողին է պատմում իր կյանքի պատմությունը՝ նկարագրելով այն անցած ճանապարհը, որն, ի վերջո, կնոջը դարձնում է ազատ՝ լինելու նա, ով իրականում է: «Կյանքը չափազանց կարճատև է և վտանգավոր, և իմաստ չկա քեզ զրկել հաճույքից, կամ լինել այլ մեկը, քան նա, ով որ կաս»:

2. Ալեքս Մայքլիդիս, «Լուռ պացիենտը»

Հավանաբար, 2019թ-ի տարվա թրիլլերը. Հիչկոկյան խորհրդավորությամբ, Ագաթա Քրիստիին բնորոշ գաղտնիքներով հունական ողբերգության միքս հիշեցնող անմոռանալի թրիլլեր:

Հայտնի նկարչուհի Ալիսիայի կյանքն առաջին հայացքից կատարյալ է թվում: Նա ամուսնացած է պահանջված ֆոտոնկարչի հետ, ապրում է հսկայական տանը, որի լայն պատուհանները վերից նայում են լոնդոնյան ամենացանկալի շրջաններից մեկի գեղեցիկ այգիներին: Մի երեկո ամուսինը՝ Գաբրիելը, նորաձևության նկարահանումներից տուն է վերադառնում բավականին ուշ, և Ալիսիան կրակում է նրա դեմքին հինգ անգամ: Այդ դեպքից հետո նա այլևս չի արտասանում և ոչ մի բառ:

Նրա լռությունն ու այս ողբերգությունը շատ ավելի հեռուն են գնում, և այս խորհրդավոր պատմությունը գրավում է լայն հանրության ուշադրությունը: Նրա նկարների գները հասնում են երկնաքերներին, իսկ նա, լուռ պացիենտը, ապահով թաքնված է Լոնդոնի հյուսիսային դատաբժշկական բաժանմունքում:

Թեո Ֆաբերը քրեական հոգեթերապեվտ է, ով տևական ժամանակ սպասել է այդ հնարավորությանը՝ աշխատելու Ալիսայի հետ: Նրա վճռականությունը՝ ստիպելու Ալիսային խոսել և բացահայտելու այս առեղծվածը, Թեոյին տանում է ոլորապտույտ արահետներով իր սեփական շարժառիթների շուրջ, և ճշմարտության այս անվերջ փնտրտուքն, ի վերջո, սպառում է նրան:

3. Ջեյսոն Գրինի, «Նորից մենք տեսանք աստղեր»

Աննկարագրելի ողբերգություն. Հեղինակի՝ Գրինիի 2 ամյա դստրիկը մահանում է դժբախտ պատահարից: Գիրքը պատմում է ծնողների ապրումների, նրանց հույսերի, վշտի և կորստի մասին: Ջեյսոնը գիտակցում է, որ պետք է առաջ նայել և հաղթահարել անհաղթահարելին: Սա մի անմոռանալի հուշ է քաջության և փոխակերպման, ինչից հետո դուք կսկսեք այլ կերպ նայել աշխարհին:

4. Ջենիֆեր Վայներ, «Տիկին ամեն ինչ»

Իր ամենից ամբիցիոզ նովելում Ջենիֆեր Վայները պատմում է երկու քույրերի մասին, նրանց տարբեր երազանքների և տարբեր ուղիների՝ տալով պատասխանն այն հարցի, թե «Ինչպիսին պետք է լինի կինն այս աշխարհում»: 

5. Յանգշի Չու, «Գիշերային վագրը»

1930 թվական, գաղութային Մալազիա. պատմական նովել պարասրահների աղջկա և 11 ամյա մի որբ տղայի՝ Ռենի մասին, ում ճակատագիրը խճճվում է մի հին չինական սնահավատությամբ, ըստ որի տղան վերածվում է վագրի: Յանգշի Չուի այս նովելը տանում է մեզ վարպետների և նրանց ծառաների աշխարհը, դարավոր սնահավատության և ժամանակակից իդեալիզմի, քույր-եղբայրների մրցակցության և արգելված սիրո աշխարհը:

6. Թեյլոր Ջենքինս Ռիդ, «Դեիզի Ջոնսը և վեց հոգին»

Նովելը ներկայացնում է հարցազրույցների շարք մի գրավիչ երգչուհու մասին, ով հասակ է առել Լոս Էնջելեսում 1960-70-ականների Լոս Էնջելեսում, նրա օրերն անցնում են խելահեղ ակումբներում, նա քնում է ռոք աստղերի հետ և երազում է երգել Վիսկի ա Գո Գո-ում: Դեիզին 20 տարեկան էր, երբ նրա ձայնը նկատեցին, նրա գեղեցկությունից կարելի էր գլուխը կորցնել, ինչն էլ մարդկանց ստիպում էր խելահեղ բաներ անել: Իսկ վեցը երաժշտական խումբն էր, որին միացավ Դեիզին... Նովելը ձեզ մի պահ մոռանալ կտա, որ այն մտացածին է, և կթվա՝ Դեիզի Ջոնս ու վեցը իսկապես գոյություն են ունեցել:

«Ես բացարձակապես ցանկություն չունեի լինելու ինչ-որ մեկի մուսան: Ես մուսա չեմ: Ես ինչ- որ մեկն եմ:» - Դեիզի Ջոնս:

7. Ռոբերտ ՄըքՖարլեյն, «Անդրաշխարհ. խորը Ժամանակային ճամփորդություն»

Հեղինակը բացահայտում է այն տիեզերքը, որ գոյություն ունի մեր ոտքերի տակ՝ սուզվելով կատակոմբաների, քարանձավների և Գրենլանդիայի սառցաշերտերի մեջ՝ թափանցելով երևակայության ամենամութ խորքերի մեջ, մի տեղ, ուր, կամա, թե ակամա, ճամփորդել են նկարիչները, արկածախնդիրները և հանցագործները:

8. Ջուլի Յիփ-Վիլյամս, «Հրաշքի չկատարվելը»

Ջուլի Յիփ-Վիլյամսն իր գեղեցիկ հուշերում պատմում է մեր ամենամեծ վախերից մեկի՝ վերջին մակարդակին հասած հիվանդության ախտորոշման մասին, և մեր մեծագույն հույսի, որով մենք դուրս ենք գալիս կյանքին ուղիղ հանդիման, և ապրում կյանքի ամեն օրը ազնվորեն, ամբիցիաներով և իրական զգացմունքներով: Գիրքը պատմում է, թե ինչպես հաշտվել մեր այս մեծագույն վախի հետ՝ մահանալ, երբ դեռ պատրաստ չես:

9. Ռութ Ռեյշլ, «Պահիր ինձ համար սալորները»

Պարտադիր կարդալու գիրք գուրմանների համար: Այս գիրքը հեղինակի անձնական ճամփորդությունն է, մի կնոջ, ով հասկանում է, թե ինչ ասել է պատասխանատու լինել տարբերվող լինելու, քո երազանքներին և կրքին հետևելու համար, նույնիսկ եթե այդ ամենը քեզ կհասցնեն այնտեղ, որտեղ երբեք չես էլ պատկերացրել:

10. Թոմաս Հերիս, «Կարի Մորա»

Սարսափ ժանրի այս նովելը Կարի Մորայի՝ անորոշ միգրացիոն կարգավիճակով կոլումբիացի երիտասարդ փախստականի մասին է: Աղջկա գեղեցկությունը խամրեցնում էին միայն սպիերը, որոնք վկայում էին այն տարիների մասին, երբ ինքը երեխա զինվոր էր եղել: Նա այն միակ քաջն էր եղել, ով համարձակվել էր աշխատել կարտելի ղեկավար Պաբլո Էսկոբարի հին առանձնատանը՝ որպես խնամող, որն այժմ դատարկ էր՝ բացառությամբ այնտեղ նկարված ֆիլմերից մնացած բազմաթիվ կմախքների, հին էլէկտրական աթոռի, հրեշների մանեկենների և «սեռական կահույքի»:

*Նյութի աղբյուրը՝ https://www.businessinsider.com:

Դիտեք ավելին Հետաքրքրի մասին բաժնում

մեկնաբանություններ