Օրվա ամփոփում ►23.12.13◄

2013-12-24 3984
Կարելի է երևակայությամբ պատկերացնել անհամար տհաճ հեռանկարներ և հանոզված լինել, որ իրականում հենց այդպես էլ նրանք կկատարվեն: Սակայն երբ մեր այդ ենթադրությունները կամ, ավելի լավ է ասենք, մեր համոզվածությունը հաստատվում է, դա մենք այնքան անսպասելի ենք համարում և ընդունում ցավագին, որ թվում է, թե այդպիսի բան մեր մտքով երբեք չէր անցել: Փաստորեն ես վաղուց գիտեի, որ Էմիլիան այլևս ինձ չի սիրում: Բայց երբ ես այդ լսեցի նրա բերանից, թվաց թե արյունը երակներիս մեջ կանգ առավ: Ալբերտո Մորավիա «Արհամարհանք» Գործն այսօրվա մի՛ թող վաղվան, զուր մի՛ կորցրեք և ոչ մի օր: Յոհան Վոլֆգանգ Գյոթե «Ֆաուստ» Խոսքեր ենք մենք իզուր վատնում, թողեք տեսնեմ նաև գործեր: Յոհան Վոլֆգանգ Գյոթե «Ֆաուստ» Քեզ չսպառնացող վտանգից սոսկում, չկորցրածդ ես ողբում ու սգում: Յոհան Վոլֆգանգ Գյոթե «Ֆաուստ» Չիմացածն է մարդ երազում միայն, իսկ իմացածին չի էլ կանգնում տեր: Յոհան Վոլֆգանգ Գյոթե «Ֆաուստ» Կգա մի պահ, երբ քեզ կթվա, թե ամեն ինչ վերջացած է, և դա կլինի հենց սկիզբը: Լուիս Լամուռ Չկա ավելի մեծ մեղք, քան հիմարությունը: Օսկար Ուայլդ

Մի գնա այդքան հեռու, թեկուզ մի օրով, մի գնա Չգիտեմ ինչպես ասել` օրը ձգվելու է երկար, ես սպասելու եմ քեզ դատարկ կայարանում ու ճամփելու եմ քնատ ինչ-որ տեղ հեռացող բոլոր գնացքներին:

Չլքես ինձ, թեկուզ մի ժամով, չլքես, Թե չէ, գիտես, ցավի փոքրիկ կաթիլները վազքի մրցման կելնեն, Ծուխը կշրջի ամենուր, կգտնի ինձ տանը, Դանդաղ կսողոսկի իմ մեջ ու կխեղդի սիրտս` գլուխը լրիվ կորցրած:

Կհալվի՞ նորից քո ուրվագիծը ծովափին, Կթրթռա՞ն կոպերդ դատարկ տարածության մեջ… Մի լքիր ինձ, սեր իմ, թեկուզ մի վայրկյան…

Որովհետև այն պահին, երբ հեռանաս ինձնից, Ես խելագարի նման թափառելու եմ երկրագնդով մեկ ու գոռալու եմ` Կգա՞ս հետ, հետ կգա՞ս, թե կթողնես ինձ այստեղ` մեռնելու այսքան մենակ:

Պաբլո Ներուդա «Մի գնա այդքան հեռու»

  Ֆրենսիս Սքոթ Ֆիցջերալդ. ՆԱՄԱԿ ԴՍՏԵՐԸ Թոունսոն Մերիլենդ, 3 օգոստոսի,1933 թ. Սիրելի ճուտիկ. շատ լավ է, որ դու քեզ լիովին երջանիկ ես զգում, բայց դու գիտես նաև , որ ես առանձնապես չեմ հավատում երջանկությանը: Դժբախտությանը՝ նույնպես: Թե մեկը, թե մյուսը լինում են ներկայացումներում, կինոներում և գրքերում, իսկ կյանքում իրականում դա գոյություն չունի: Ես հավատում եմ այն բանին, որ ապրում ես այնպես, որքան դրան արժանի ես (քո տաղանդով ու մարդկային հատկություններով), իսկ երբ չես անում այն, ինչ պետք է, ապա դրա համար հատուցում ես կրկնակի… Եվ այսպես, ահա քո խենթ հոր խորհուրդները: Ինչի պետք է հասնել. աշխատիր համարձակ լինել, ողջախոհ, կարողացիր լավ աշխատել և ձիու թամբին ամուր մնալ: Եվ այսպես շարունակ: Ինչ պետք է չանել. մի ձգտիր դուր գալ ամենքին: Անցյալի մասին մի մտածիր, ապագայի մասին՝ նույնպես: Եվ այն մասին, թե ինչ կպատահի քեզ, երբ հասունանաս: Եվ այն մասին, թե ինչ-որ մեկը քեզ ինչպես կբնորոշեր: Հաջողությունների և անհաջողությունների մասին՝ նույնպես, եթե դրանք քո մեղքով չեն կատարվում: Ծնողներիդ մասին մի խորհրդածիր, տղաների, քո հիասթափութունների մասին՝ ևս: Ինչի մասին պետք է մտածել. Կյանքում ի՞նչ ձգտումներ ունեմ, ուրիշներից լավն եմ, թե՞ վատը. ա) ուսման մեջ, բ) մարդկանց հասկանալու և նրանց հետ հաղորդակցվելու հարցերում, գ) սեփական մարմինը տիրապետելու ընդունակության մեջ: Սիրում եմ քեզ՝ Հայրիկ:  

մեկնաբանություններ