Ալեքսանդր Կրոն «Անքնություն»

► Չկա ավելի տանջալի բան, քան սպասելը լուսաբացին

► Կյանքը միշտ մի բան սովորեցնում է: Մեկը կորցնելով, մենք անպայմանորեն ձեռք ենք բերում մի այլ բան:

► Միայնությունից տխուր բան չկա, սակայն ժամանակ առ ժամանակ առանձնանալ անհրաժեշտ է. ես խղճում եմ այն մարդկանց, ովքեր զրկված են դրանից և կասկածով եմ վերաբերվում նրանց, ովքեր դրա կարիքը չունեն:

► Մեր դարը տառապում է ոչ թե ինֆորմացիայի պակասից, այլ չափազանց շատությունից:

► Ճիշտ չէ, թե ժամանակը փող է: Փողը գալիս է ու գնում, միայն ժամանակն ու կյանքը չի կարելի ետ տալ…

► Մարդը կարող է ներել թշնամուն, բայց ոչ իր թուլության վկային...

► Հիշել կարելի է միայն այն, ինչ ենթակա է տրամաբանությամբ վերականգնելու:

► Անցյալի մասին խոսել մենք միշտ կհասցնենք: Բայց ահա ապագայի մասին պետք է խոսել առանց ժամանակ կորցնելու:

► Չհարբածի մտքինը հարբածի լեզվին է: Եթե հարբածը ձեզ որևէ բան է ասում, կարելի է կասկած չունենալ, չհարբած ժամանակ այդ բանը նրա մտքով անցել է: Հարբած մարդը զուրկ չէ երևակայությունից, հաճախ նա խմում է հենց այն պատճառով, որ իրեն թույլատրելի լինի, այն, ինչ չի թույլատրվում չհարբածին…

► Մենք չափազանց էինք մտերիմ, որպեսզի դեմհանդիման մնալով, կարողանայինք կեղծել, և միաժամանակ բավականաչափ հեռացած էինք իրարից, որպեսզի անկեղծ լինեինք:

► Ամուսնանալ պետք է միայն այն դեպքում, եթե ուրիշ ելք չկա:

► Հին ու հին մի գրքում ես կարդացել եմ, որ մարդը,- միևնույն է, տղամարդ թե կին,- միայն մի կեսն է ավելի կատարյալ ինչ-որ էակի: Երկրորդ կեսը կորցված է աշխարհում, և այդ երկու կեսերը ամբողջ կյանքում բնազդաբար ձգտում են իրարու, ձգտում միանալ:

► Այսպիսին էր այն մարդը, որ ինձ նամակ բերեց ինձ համար թանկ երկու կանանցից: Նրանցից մեկին ես սիրում էի: Մյուսը սիրում էր ինձ: Ամուսնացա ես երրորդի հետ:

► Շատ իմանալը խելք չի սովորեցնում, փորձն է խելք սովորեցնում:

► Ինչպես ասում են մեր թունդ սրախոսները, բանն այն է, որ շունը մարդու լավագույն բարեկամն է մարդու համար, ավելի հեշտ է ծախել բարեկամին, քան շանը:

► Գռեհկություն է գռեհիկ անվանելը բոլոր նրանց, ով ձեր ճաշակին չէ:

► Արգելքներ չտեսնելը միշտ չէ ուժեղ կամքի արտահայտություն, իրեն որևէ բանից զրկել չկարողանալը ավելի շուտ թուլակամության նշան է: Թուլակամությունը նույնպես լինում է և՛ կրակոտ, և՛ ագրեսիվ:

► Ես բավական մարդկանց եմ ճանաչում, որոնք սիրում են, երբ իրենց խանգարում են: Խանգարիչ հանգամանքները նրանց համար ծառայում են որպես արդարացում սեփական անգործությունը կամ անհաջողություններն արդարացնելու համար: Զուր նոր բառեր չորոնեք, դրանք պարզապես ծույլ մարդիկ են:

► Նախանձել, նշանակում է քեզ դասել ավելի ցած նրանից, ում խանդում ես:

► Այսօր գիտուն է ոչ թե նա, ով շատ բան է հիշում, այլ նա, ով որոնում է և գտնում:

► Ես քեզ հետ կորցրի իմ լավագույն տարիները, մինչև հասկացա, թե որքան իրավացի էին բոլոր նրանք, ովքեր ասում էին, որ դու արժանի չես իմ այդ վերաբերմունքին:

Հ.Գ. Եթե դուք ունեք մեջբերումներ` դուրս բերված այս գրքից, ապա կարող եք ուղարկել մեզ հետադարձ կապով: