Ամալյա Սողոմոնյան «Հաջորդ կյանքում կհանդիպենք»

Հաջորդ կյանքում կհանդիպենք:
Ես ավելի բարձրահասակ կլինեմ ու հումորով:
Մազերս ավելի երկար կլինեն ու սիրուն ժպիտ կունենամ:
Հաջորդ կյանքում, երբ հանդիպենք էլ չեմ թողնի գնաս:
Հաջորդ կյանքում, երբ հանդիպենք չթողնե՛ս գնամ:
Խնդրում եմ, սառույցի վրա ավելի լավ կսահես:
Մեկ էլ ծխախոտն ավելի սիրուն կսահեցնես մատներիդ արանքով:
Ընկերներիդ չդավաճանես, մեկ էլ ինձ, խնդրում եմ:
Հաջորդ կյանքում չմոռանաս աչքերիս գույնն
ու ինչքան շատ եմ քեզ սիրել նախորդ կյանքում:
Առաջին սերը երբեք սիրով չի ավարտվում, գիտեմ:
Հաջորդ կյանքում ես երկրորդ սերդ կլինեմ:
Միայն խնդրում եմ ինչ-որ կերպ մտապահի՛ր ինձ, որ հանկարծ հաջորդ կյանքում էլ չվրիպես:

Հեղինակ՝ © Ամալյա Սողոմոնյան