Հասցրու անդամագրվել «Գրքամոլ» ընթերցասերների ակումբի այս տարի ձևավորվող միակ խմբին

2021-07-29 13775

Գրքամոլ ակումբը հայտարարում է նոր՝ ԻՆԵՐՈՐԴ ԽՄԲԻ ձևավորման մեկնարկը (հանդիպումները սկսվելու են նոյեմբեր ամսից):

*Ակումբի տևողությունը 6 ամիս է, որի ամբողջ տևողության համար գործում է միանվագ անդամավճար՝ 15․000 ֏ (վճարն իրականացվում է մինչև առաջին քննարկումը)։

► Գրքամոլ Ակումբի անդամ կարող ես դառնալ հենց դու, եթե սիրում ես կարդալ, փորձառու ընթերցող ես կամ էլ եթե անգամ դեռ նոր ես բացահայտել քո մեջ սերը դեպի ընթերցանությունը և ուզում ես առաջին քայլերդ անել դեպի գրքերի աշխարհ։ Ակումբում գործում է երկու պարտադիր պայման՝ կարդալ գրքերը և գալ հանդիպումներին։ Քննարկումներն անցկացվում են յուրաքանչյուր երկու շաբաթը մեկ անգամ շաբաթ օրը՝ երեկոյան ժամը 17:00-20:00՝ Ավ. Իսահակյանի անվան գրադարանում:

* Ակումբում չկա տարիքային/սեռային սահմանափակում:

Նրանք, ովքեր նախորդ խմբերի անդամակցությունների ժամանակ դուրս են մնացել հարցազրույցի փուլից, կարող են կրկին դիմել։

Ակումբի շրջանակներում կազմակերպվում են՝

► I մակարդակ. Գրքերի քննարկումներ – 4 գիրք,
► II մակարդակ. Հեղինակների կենսագրությունների ուսումնասիրում և յուրաքանչյուր հեղինակի մեկ ստեղծագործության քննարկում – 4 հեղինակ և 4 գիրք,
► III մակարդակ. Գրքի հիման վրա նկարահանված ֆիլմի դիտում և համեմատում գրքի հետ – 4 ֆիլմ/գիրք:

Հանդիպումներին ժամանակ առ ժամանակ հրավիրվում են գրականագետներ, գրողներ, թարգմանիչներ, անցկացվում են բաց հանդիպումներ:

ՈՒՇԱԴՐՈՒԹՅՈՒՆ

«Գրքամոլ» ակումբի անդամագրման համար անհրաժեշտ է լրացնել այս հայտը, այնուհետև մասնակցել հարցազրույցին (հայտերն ընդունվում են մինչև հոկտեմբերի 30֊ը):
Ձեր հայտը լրացնելուց մի քանի օր անց մենք կհրավիրենք Ձեզ մասնակցելու հարցազրույցին, և միայն հարցազրույցի փուլը հաջողությամբ անցած ընթերցասերները կդառնան Գրքամոլ Ակումբի նոր ձևավորված խմբի անդամ:
*Ինչքան շուտ լրացնեք հայտը, այնքան մեծ կլինի հավանականությունը հասցնելու դառնալ «Գրքամոլ» ակումբի անդամ:
*Գրանցվելուց խնդիրներ առաջանալու դեպքում կարող եք դիմել մեզ և մենք Ձեզ կօգնենք:

Հ.Գ. 2022 թվականին Գրքամոլ Ակումբի նոր ձևավորվող խումբ այլևս չի լինելու, և եթե ցանկություն ունեք դառնալու մեր մի մասնիկը, ապա այժմ ճիշտ ժամանակն է:

Գրանցման հղումը՝ https://bit.ly/GrqamolAkumb9

 

Դիտեք ավելին Գրքամոլ Ակումբ բաժնում

մեկնաբանություններ