Անրի Պերյուշո «Վան Գոգի կյանքը»

► Որքան գեղեցկություն կա արվեստի մեջ: Միայն թե հարկավոր է մտապահել այն ամենը ինչ տեսնում ես, այն ժամանակ քեզ համար սարասափելի չեն ո՛չ ձանձրույթը, ո՛չ էլ միայնությունը, և դու երբեք մինչև վերջ մենակ չես մնա:

► Սիրել որքան հնարավոր է, քանի որ միայն սիրո մեջ է իսկական ուժը, և նա, ով շատ է սիրում, մեծ գործեր է արարում և շատ բան կարող է, և այն, ինչ արարվում է սիրով, արվում է ԼԱՎ:

► Ինչպես կարող է նա բարիք գործել, երբ ինքը բոլորովին չի տեսել այն:

► Մեր ստեղծագործությունը պետք է այնքան կատարյալ լինի, որ միամիտ թվա, նրանից չպետք է տաղանդի հոտ փչի:

► Որտեղ ցանկություն կա,այնտեղ նաև ելք կգտնվի:

► Առարկաները չպետք է նկարել այնպես, ինչպես որ են, այլ այնպես, ինչպես դրանք զգում ես, ընդ որում` նկարել շարժման մեջ, նկարել «գործողությունը հանուն գործողության»:

► Այն տխուր զգացողությունը,որ կարծես իսկական կյանքից դուրս ես,այսինքն,որ ավելի լավ է ստեղծել կենդանի մարմին,քան արարել գույնով ու կավով,այլ կերպ ասած,ավելի լավ է երեխաներ ստեղծել,քան նկարներ:

► Գույները տխրության քույրերն են:-Հուգո Ֆոն Հոֆմանստալ

► Նա, ով ուզում է որևէ բարի կամ օգտակար գործ կատարել, չպետք է հույսը դնի համընդհանուր հավանության կամ գովեստի վրա, ոչ էլ նույնիսկ ցանկանա այդ բանը, այլ, ընդհակառակը, նա պետք է համակրանքի ու աջակցությանը սպասի սոսկ հազվագյուտ բարեսիրտ մարդկանցից:-Ռենան

► Այն ամենը, ինչով լի է իմ գլուխն ու սիրտը,պետք է գծանկարի կամ գունանկարի տեսք ունենա:

► Չկա ավելի գեղարվեստական բան, քան սիրել մարդկանց:

► Նա, ում փոթորկուն ծովը երկար քշում է տանում, ի վերջո հասնելու է ափ:

► Այս աշխարհում անսահման դաժան է բնությունը, որը ոչինչ չի պարգևում, որից օր օրի հարկավոր է դաժան պայքարում ուժով պոկել ամեն ինչ: Ամեն ինչ խափուսիկ է այս աշխարհում, անցողիկ և ոչ տևական: Ակնթարթը, որն անցնում է, արդեն քեզնից հեռացել է ընդմիշտ: Այս աշխարհում ամեն ինչ պատահական է, անկրկնելի և անվերադարձ:

► Նյութական դժվարությունները, զրկանքները, չքավորությունը, այդ ամենը սոսկ փրկագին է, որ պետք է վճարել մարդկային ցեղի ընտրյալների շարքը դասվելու համար: Միշտ ու ամեն ինչի համար պետք է վճարել:

Հ.Գ. Եթե դուք ունեք մեջբերումներ՝ դուրս բերված այս գրքից, ապա կարող եք ուղարկել մեզ հետադարձ կապով: