Արև Թովմասյան «Սեր իմ»

2021-05-26 435

Սեր իմ,
քաղաքում փոշի է
սահմանին` կրակ:
սեր իմ,
Ես փախչելու տեղ չունեմ`
քո գրկից բացի:
Սեր իմ,
տանիքներում անվտանգ չի`
Կայծակներ են,
Տներում` փոթորիկ
քո գրկում` պատերազմ:
Ես չգիտեմ` ո՞ր կողմ գնամ:
Դրսում արդեն արևը կիզիչ է,
Ներսում` մութ:
Սեր իմ,
Հյուսիսն ու հարավը փակվել են
Արևմուտքն ու արևելքը անվտանգ չեն,
Ես չգիտեմ` ուր փախչեմ,
Որ ականները գլխիս չպայթեն:
Սեր իմ,
Պաշտպանիր օդային տարածքներս`
Ականներից ու քեզնից:
Թող քնեմ խաղաղ:

Հեղինակ՝ © Արև Թովմասյան

Դիտեք ավելին Ստեղծագործություններ բաժնում

մեկնաբանություններ