Գրքամոլ Ակումբ. Բաց քննարկում. Ալբերտո Մորավիա «Արհամարհանք»

2015-02-21 3544
Փետրվարի 19-ին՝ Հովհաննես Թումանյանի ծննդյան և գիրք նվիրելու օրվա առթիվ Գրքամոլ Ակումբում դարձյալ իրարանցում էր: Հավաքվել էին գեղեցիկ և խելացի երիտասարդներ, ովքեր ցանկություն ունեին քննարկելու իրենց ամենասիրելի գրքերից մեկը՝ Ալբերտո Մորավիայի «Արհամարհանք»-ը, իրենց հետ բերած գրքերով փոխանակվել այլ ընթերցասերների հետ, ինչպես նաև ծանոթանալ Գրքամոլ Ակումբի նախագահներին և իմանալ ակումբի անդամակցության կարգը: Մթնոլորտը, ինչպես մեր կողմից կազմակերպվող բոլոր միջոցառումների ժամանակ, ջերմ էր և դրական, քանզի բոլորիս կապող օղակը հանդիսանում էր հրաշքը՝ գիրքը: Բոլոր մասնակիցները հնարավորություն ունեցան խոսելու իրենց կարդացած և սիրված գրքերի մասին, ինչպես նաև խորհուրդ տալ և լսել դրանք դիմացիններից: Հ.Գ. Գրքամոլ Ակումբը իր բազաթիվ ընթերցասերներին խոսք է տալիս մոտ ժամանակներս դարձյալ կազմակերպել բաց քննարկում, որտեղ հնարավորություն կունենան ներկա գտնվել բոլորը՝ բացի Ակումբի անդամներից: Հանդիպման բոլոր նկարներն՝ այստեղ:

մեկնաբանություններ