Գրքամոլ Ակումբ. Բաց քննարկում. Սեյրան Գրիգորյան «Ինչու Ես Տխուր»

2016-05-26 3530

 

«Գրքամոլ» նախաձեռնությունը  Ավ. Իսահակյանի անվան գրադարանի  հյուրընկալ հարկի ներքո մայիսի 21-ին կազմակերպել էր բաց հանդիպում, իսկ քննարկման նյութը արձակագիր Սեյրան Գրիգորյանի «Ինչու՞ ես տխուր» վիպակն էր (1989): Իհարկե, գրքամոլցիներն արդեն ծանոթ էին ստեղծագործությանը, քանի որ այն քննարկել էին ավելի վաղ` փակ հանդիպումներից մեկի ընթացքում, սակայն այս մեկն առանձնահատուկ էր նրանով, որ դրան ներկա էր ինքը` ստեղծագործության հեղինակը: Ուստի ակումբի անդամները և մյուս հյուրերը հնարավորություն ունեցան անձամբ շփվելու գրողի հետ, տալ նրան իրենց հուզող հարցերն ու ստանալ պատասխաններ: Քննարկման մասնակիցները նկատեցին, որ Ս.Գրիգորյանի` թվով հինգերորդ գրքի միջոցով փորձ է արվում դիտարկել անցյալը` անհատի պաշտամունքի ծանր տարիները, երբ խաթարվում էին մարդկային ճակատագրերը: Խեղված ճակատագրերից մեկն էլ վիպակի գլխավոր հերիսինն է` Այվազինը, ով կյանքի զարտուղի ճանապարհներում դեգերում է` փնտրելով մեկ բան` արդարություն:

Ընդհանուր առմամբ` քննարկումը կարելի էր համարել ստացված, քանի որ այն անցավ բավական ջերմ մթնոլորտում: Ե՛վ ակումբի անդամները, և՛ գրքի հեղինակն ու մյուս ներկաները կիսվեցին իրենց տպավորություններով և փոխանակվեցին մտքերով:

Հանդիպման բոլոր նկարներն՝ այստեղ:

Դիտեք ավելին Տեսադարան բաժնում

մեկնաբանություններ