ԲԱՆ✎ Սմբատ Բունիաթյան

2024-01-10 892

Գրականությունը

Գրականությունը այն թունելն է, որն ընթերցողին առաջնորդում է դեպի լույս։

Անորակ գրականությունը

Անորակ գրականություն կարդացողը դուրս չի գալիս թունելից։ Նա խարխափում է հոգևոր խավարում։

Ժամանակակից գրականությունը

...Սակայն ժամանակակիցները չեն այն մարդիկ, ովքեր կարող են գեթ փոքր-ինչ ազդեցություն ունենալ` հաստատելով կամ հերքելով իրենց օրերում ստեղծվող գրականության ապրել-չապրելու իրավունքը։ Ճշմարիտ, մրցունակ գրականությունն ինքն է ազատվում «ժամանակակից» պիտակից`անկախ նրանից, թե իր հասցեին ինչեր են գրել ժամանակակից գրաքննադատներն ու թե իր հասցեին ինչեր են ասել իր ծննդյան օրերում ապրող այլոք։

Սիրել կարդալ

Հավանաբար, Աստծո տասը պատվիրանները կիսատ են մնացել։ Իմ կարծիքով, պիտի լիներ նաև տասնմեկերորդը` Սիրիր կարդա´լ։

Անպայման պետք է կարդալ...

Եթե դու այն մարդն ես, ով առանց ընթերցանության չի կարող յոլա գնալ, ուրեմն պետք է կարդալ։ Բայց եթե դու այն մարդն ես, ով փորձում է դառնալ ավելի լավը և փորձում է ավելի իմաստուն դառնալ, ուրեմն անպայման պետք է կարդալ այն գրքերը, որոնք քեզ դարձնո´ւմ են ավելի լավը` իմաստություն շնորհելով։

Երբեք չկարդաք

Այս հարցը Աստծո կողմից դրված արգելքն է հիշեցնում։ Բայց Ադամն ու Եվան արգելված պտուղն ի վերջո կերան, չէ՞։

5 գիրք, որոնք կօգնեն մուտք գործել գրականության աշխարհ

Գրականության աշխարհ մուտք գործողի հինգ լավագույն գրքերը պահված են հենց գրականության աշխարհում։ Դրանք ի՛նքը պետք է գտնի։ Այստեղ ես ասելիք չունեմ։

Հարցազրույցը՝ Համլետ Մուրադյանի

Դիտեք ավելին Հարցազրույցներ բաժնում

մեկնաբանություններ