Մեկնարկեց Գրքամոլ Ակումբի նոր՝ Երկրորդ Խումբը

2015-09-06 3901
Սեպտեմբերի 5-ին Ավ. Իսահակյանի գրադարանում տեղի ունեցավ Գրքամոլ Ակումբի ձևավորած հաջորդ՝ երկրորդ խմբի անդրանիկ հանդիպումը: Ակումբի նոր անդամները ծանոթացան միմյանց հետ, խոսեցին իրենց ընթերցած գրքերի մասին, փոխանակվեցին կարծիքներով: Ընտրվեց քննարկվելիք առաջին գիրքը, այն է` Թեոդոր Դրայզերի «Պատվարը», որի քննարկումը տեղի կունենա սեպտեմբերի 19-ին: Ակումբի նոր անդամները գրեցին նաև նամակներ` հասցեագրած յուրաքանչյուրն ինքն իրեն մեկ տարի հետո` նկարագրելով, թե ինչ ակնկալիքներ ունեն նրանք Գրքամոլ Ակումբից:  Նշենք, որ Ակումբի նոր՝ երկրորդ խմբի հանդիպումներին զուգահեռ անցկացվում է նաև Գրքամոլ Ակումբի առաջին խմբի հետ հանդիպումները ևս: Այսպիսով, Գրքամոլ-ի թիմը ևս մի մեծ ու պինդ քայլ արեց դեպի իր առաքելությունը, այն է, հայ ընթերցողների համար ընդլայնել այն միջավայրը, որտեղ երիտասարդները կարող են խոսել և քննարկել իրենց կարդացած գրքերի մասին: Հանդիպման բոլոր նկարներն՝ այստեղ:

մեկնաբանություններ