Ագաթա Քրիստի «Սպանություն Գոլֆի Դաշտում» (Գրքամոլ Ակումբ)

2016-02-21 4570

► - Դե, ես հին հայացքների տեր մարդ եմ: Կարծում եմ` կինը կանացի պետք է լինի: Ափերիցս դուրս եմ գալիս, երբ տեսնում եմ ժամանակակից ջղագար աղջիկներին, որոնք պարում են առավոտից երեկո, ծխում շոգեքարշի ծխնելույզի պես և գործածում այնպիսի բառեր, որոնք լսելիս կկարմրեին նույնիսկ Բիլինգսգեյթի ձկնավաճառ կանայք:-Հասթինգս

► - Արտաքինին հետևելը տաղտկալի գլխացավանք է: Բայց իրեն հարգող աղջիկը երբեք չպետք է զլանա:-Դալսի Դյուվին (Սինդերելլա)

► - Եթե մարդ մի ժամ շարունակ սարսափելի զգացումներ ու հույզեր է ապրում, դա հավասարազոր է մի քանի ժամվա կյանքի: Շատ պատկերավոր է ասել ձեր պոետներից մեկը, թե ժամանակը ոչ թե ժամերով է հաշվվում, այլ սրտի զարկերով:-Էրքյուլ Պուարո

► Ժամանակը ոչ թե ժամերով է հաշվվում, այլ սրտի զարկերով:-Բրաունինգ

► - Հարուստ մարդն այնքան էլ հեշտ չի բաժանվում իր փողերից: Մի անգամ տեսել եմ, թե ինչպես մի հայտնի միլիոնատեր տրամվայից դուրս քշեց բոլոր ուղևորներին՝ գտնելու համար կորցրած կեսպենսանոցը:-Էրքյուլ Պուարո

► - Կանայք չեն կարողանում սպասել, հիշեք դա:-Էրքյուլ Պուարո

► - Փորձագետները փաստեր են հավաքում, իսկ մասնավոր խուզարկուն հանցագործությունը բացահայտում է տրամաբանական դեդուկցիայի մեթոդով, դեպքերի շարանը ճիշտ վերականգնելու միջոցով՝ դրանք կապելով հանցանշանների հետ: Բայց ամենից կարևորը հանցագործի հոգեբանությունը հասկանալն է:-Էրքյուլ Պուարո

► - Երկու մարդ հազվադեպ են միևնույն բանը տեսնում:-Էրքյուլ Պուարո

► - Ինքդ քեզ հո չե՞ս խափի, չէ՞:-Ֆրանսուազ Արիշե

► - Շատ հարուստ մարդիկ մահանում են առանց կտակ թողնելու, քանի որ չեն մտածում մոտալուտ վախճանի հնարավորության մասին:-Էրքյուլ Պուարո ► - Օ այո, կանայք իրար լավ են հասկանում:-Ֆրանսուազ Արիշե

► - Հայտնի բան է, որ հարուստների որդիները ցոփ ու շվայտ են լինում:-Էրքյուլ Պուարո

► - Միայն ռոմանտիկներն են կարծում, թե բոլոր կարևոր հանցանշանները փոքր չափսերի պիտի լինեն:-Էրքյուլ Պուարո

► - Տղամարդիկ միշտ էլ նրբախնդիր են կնոջ նախնիների հարցում:-Բեքս

► - Տղամարդը սիրուհուն ասում է այն, ինչ հաճախ չի ասում կնոջը:-Բեքս

► - Իմ տեսած շատ ու շատ հանցագործներ հրեշտակի դեմք ունեին,- խրատական տոնով ասաց Պուարոն:- Հիվանդագին հակումները դյուրությամբ են զուգակցվում աստվածամոր դիմագծերի հետ:

► - Սիրող կնոջ սիրտը ներում է իրեն բաժին հասած հարվածները:-Էրքյուլ Պուարո

► - Ձեր պատկերացմամբ` կինն անպայման պետք է մուկ տեսնելիս ցատկի աթոռին ու ճչա՞: Նախնադարյան հայացքներ ունեք:-Դալսի Դյուվին (Սինդերելլա)

► - Ամենքն էլ տարօրինակություն ունեն:-Դալսի Դյուվին (Սինդերելլա)

► - Ամեն մի հանցագործ իր ուրույն մեթոդն ունի, և ոստիկանությունը, երբ նրան հրավիրում են գործի, ասենք՝ կողոպուտի հետաքննություն կատարելու, միշտ էլ բավական ճշտությամբ կարող է որոշել իրավախախտին՝ ելնելով կատարված հանցագործության մեթոդներից: Մարդն օրիգինալ էակ չէ: Ոչ օրենքի սահմաններում, ոչ ամենօրյա կենցաղում ու ոչ էլ՝ օրինախախտության դեպքում: Եթե նա մի անգամ որևէ հանցագործություն է կատարում, ապա բոլոր նրա կատարած հաջորդ հանցագործություններն էլ նման են լինում առաջինին:Իր կանանցից ազատվելու համար լոգարանում նրանց խեղդող այն անգլիացի մարդասպանը դրա հենց լավագույն օրինակն է: Եթե նա փոխեր իր մեթոդները, ապա հնարավոր է, որ մինչ օրս էլ ազատության մեջ լիներ: Սակայն նա միապաղաղ մտածողության զոհ դարձավ, կարծելով, որ եթե մի անգամ հաջողվեց, հաջորդ անգամ էլ կհաջողվի:-Էրքյուլ Պուարո

► - Բարեկամս, միշտ էլ կարելի է սխալվել:-Էրքյուլ Պուարո

► - Աշխարհում անհնարին ոչ մի բան չկա:-Էրքյուլ Պուարո

► - Մեծ հանցագործը մեծ դերասան կարող է լինել:-Էրքյուլ Պուարո

► - Առանց պատճառի սպանություն չի լինում-Էրքյուլ Պուարո

► - Երբ խելացի հանցագործից  պահանջվում է ճարպիկ դերասանուհի լինել, նա, սովորաբար, հաջողությամբ է խաղում իր դերը:-Էրքյուլ Պուարո

► - Հանուն ու՞մ է կինը ստում: Երբեմն` հանուն իրեն, սովորաբար` հանուն տղամարդու, որին սիրում է, միշտ` հանուն երեխաների: Վերջինը` անհերքելի ապացուց է: Այստեղ արդեն ոչինչ անել չես կարող:-Ժիրո

►- Մտածեք, բարեկամս, խրախուսող տոնով ասաց Պուարոն: -Կարգի բերեք ձեր մտքերը: Հետևողական եղեք: Դրանում է հաջողության գաղտնիքը:

► Որտեղ սեր, այնտեղ էլ ատելություն:

► - Ճշմարտությունը միշտ էլ ճշմարիտ է լինում:-Էրքյուլ Պուարո

► - Բարձրագույն արդարությունը տնօրինում է մարդկային ճակատագրերը և ոչ ոքի թույլ չի տալիս խուսափել արդար պատժից:-Էրքյուլ Պուարո

► - Երբ ձեզ կատաղեցնում են, ցուլի պես ուժեղ եք դառնում:-Էրքյուլ Պուարո  

► Սթրեսներից հետո անխուսափելիորեն վրա է հասնում հոգնությունը:

► - Կանայք… մի բառից ամեն ինչ հասկանալու զարմանալի տաղանդ ունեն:

Հ.Գ. Եթե դուք ունեք մեջբերումներ` դուրս բերված այս գրքից, ապա կարող եք ուղարկել մեզ հետադարձ կապով:

մեկնաբանություններ