Դանիել Դեֆո «Մոլ Ֆլենդերս»

2013-07-31 3511

Բեռնել գիրքը

► Երկու տեսակի մարդիկ կան, որոնց հետ չի կարելի վիճել. խելոք մարդիկ և հիմարներ: ► Ես սիրում եմ այդ աղջկան ու երբեք հանուն քսակի չեմ զոհաբերի իմ ամուսնությունը, չեմ զոհաբերի իմ սրտի ուզածին: ► Նրանք, որ զիջում են, երբ իրենց խնդրում են՝ մի աստիճան բարձր են կանգնած նրանցից, որ զիջում են, երբ իրենց երբեք չեն խնդրում և երկու աստիճան` նրանցից, որ զիջում են նախքան խնդրելը: ► Այսպես բնականորեն մարդիկ հրաժարվում են պատվախնդրությունից, նույնիսկ քրիստոնեական սկզբունքներից, որպեսզի ապահովեն իրենց անվտանգությունը: ► Որտեղ հռչակավորն է, այդտեղ տխմարներն են հայտնվում: ► Ամենափայլուն տղամարդն էլ հետամտում է ամենամութ նպատակ: ► Եթե այն ժամանակ տեղի տվեցի ինձ համակած սիրույն և քո հորդորները լսելով հավատացի, թե իսկապես քո կինն եմ, մի՞թե հիմա խաբեություն պետք է համարեմ քո բոլոր փաստարկները և ինքս ինձ կոչեմ քո տարպուհին կամ սիրուհին, ինչ որ միևնույնն է: Եվ ուզում ես ինձ փոխանցել եղբո՞րդ: Բայց կարո՞ղ ես փոխանցել և իմ զգացմունքը: Կարո՞ղ ես հրամայել, որ դադարեմ քեզ սիրելուց ու սիրեմ նրան: Ինքդ դատիր, ուժս կպատի՞ պատվերով այդպիսի փոփոխություն կատարելու: Ոչ, սըր,- ասացի,- հավատա, դա անկարելի է: Ինչքան էլ ինքդ փոխվես, ես միշտ հավատարիմ կմնամ. ավելի շուտ կնախընտրեմ, քանի որ այդպես է ստացվել, լինել քո տարպուհին. քան թե եղբորդ կինը: ► Տղամարդիկ ամենուր այնքան լայն հնարավորություն ունեն ընտրություն կատարելու, որ կանանց դրությունը շատ ողբալի է դարձել. տղամարդիկ կարող են բախել ցանկացած դուռը, և եթե խիստ բացառության կարգով որևէ մեկը մերժում ստանա, կարող է վստահ լինել, որ ընունելություն կգտնի հաջորդի մոտ: ► Կինը միշտ էլ հնարավորություն ունի վրեժ լուծելու այն տղամարդուց, որը վատ է վարվել իր հետ, և որքա՜ն միջոցներ կան՝ այդպիսի մարդուկին ընկճելու համար, հակառակ դեպքում կանայք, իսկապես, աշխարհի ամենադժբախտ էակները կլինեին: ► Բավական է, որ մի դեռահաս աղջիկ մտածի, թե ինքը գեղեցիկ է, նա այլևս երբեք չի կասկածի որևէ տղամարդու խոսքի ճշմարտությանը, եթե նա ասի, որ ինքը սիրահարվել է նրան: Այդպես է, որովհետև եթե աղջիկը հավատացած է, որ ինքը այնքան հմայիչ է, որ կարող է գերել նրան, բնական է և իր ակնկալությունը, թե դիմացինը կենթարկվի դրա ներգործությանը: ► Կանայք իրենք են մեղավոր, եթե տղամարդիկ գերակա դիրք են գրավում մեր սեռի նկատմամբ, եթե հարցն ամուսնությանն է վերաբերում: ► Կանայք որքան ցածր են դասում իրենց դիրքը, որը, եթե թույլ տաք անաչառորեն ասելու, առանց այդ էլ բավականին ցածր է: ► Չպետք է մոռանալ, որ մարմնականը սովորաբար այնքան մեծ տեղ է գրավում այդ բնույթի հարաբերությունների մեջ, որ վերջիվերո անպայմանորեն այդ հակումը՝ մարմնականը, գերիշխող է դառնում ամենաազնիվ մտադրությունների վրա, և արատը թափանցում է այն ճեղքվածքներից ներս, որ մեկնումեկի պարկեշտությունն ունի: ► Դրանցից որն էլ որ լինի՝ ուրախություն, թե վիշտ, կարող է կրկնակի ճնշել մեր հոգին, կարող է, թերևս, նույնիսկ մեր ուժերից վեր լինի այն տանել: ► Երբ տղամարդն անկեղծորեն զղջում է նման հանցավոր կապի համար, անպայմանորեն այդ զղջմանն ուղեկցում է ատելությունը հանցակցի նկատմամբ, և որքան մեծ է եղել նրա սերը, նույնքան մեծ է լինում նրա ատելությունը: ► Կինը միշտ էլ հնարավորություն ունի վրեժ լուծելու այն տղամարդուց, որը վատ է վարվել իր հետ, և որքան միջոցներ կան` այդպիսի մարդուկին ընկճելու համար, հակառակ դեպքում կանայք, իսկապես, աշխարհի ամենադճբախտ էակները կլինեին: ► Չար լեզուները մեր սեռի մասին ասում են, որ մտքներումս եթե մի բան դնենք, անհնարին է, որ հրաժարվենք մեր որոշումից: ► Նա, ով վատ ամուսին է ունենում, մտածում է, որ շտապել է ամուսնանալ: Իսկ նա, ով լավ ամուսին ունի, երբեք չի մտածում, որ ինքը խիստ դանդաղել է ամուսնության հարցում: Հ.Գ. Եթե դուք ունեք մեջբերումներ՝ դուրս բերված այս գրքից, ապա կարող եք ուղարկել մեզ հետադարձ կապով:

մեկնաբանություններ