Գրքամոլ Ակումբ. Խումբ Երրորդ. Քննարկում Յոթերորդ. Ֆեոդոր Դոստոևսկի «Ոճիր և Պատիժ»

2016-12-25 4018

Դեկտեմերի 17-ին Ավ. Իսահակյանի անվան գրադարանում Գրքամոլ Ակումբի Երրորդ խումբը քննարկեց առաջին մակարդակի վերջին գիրքը՝ ռուս գրող Դոստոևսկու «Ոճիր և Պատիժ»-ը (ռուս.՝ Преступление и Наказание, 1866 թ.): Նշենք, որ քննարկմանը նաև ներկա էր գրող, գրականագետ Մհեր Արշակյանը: Ներկաները նախ մի փոքր անդրադարձան Դոստոևեսկու կյանքին, ներկայացրին հետաքրքիր փաստեր գրքից, այնուհետև կիսվեցին գրքի մասին իրենց կարծիքներով: Քննարկման մասնակիցները առանձին կերպով անդրադարձ կատարեցին վեպի գլխավոր հերոսի` Ռասկոլնիկովի կերպարին` նրան դիտարկելով որպես հպարտ և ուժեղ անհատականություն, ով, ի վերջո, գնում է հանցագործության, քանի որ ոճրագործության միտքը արդեն թափանցել էր նրա ենթագիտակցական և ամբողջովին ղեկավարում էր հերոսին: Ակումբի անդամների և գրականագետի տարակարծությունը ստիպում էր է՛լ ավելի շատ փորփրել գիրքը և փորձել հասկանալ, թե վեպում կոնկրետ ո՞ր պահից է սկսվում ոճիրը (արդյոք բուն ոճրագործության ժամանա՞կ, թե՞ այն իրագործելուց առաջ, երբ դեռ ծրագրվում էր), և ո՞ր պահից է սկսվում պատիժը՝ ոճրագործությունից հետո՞, թե ոճիրը ծրագրելու ժամանակ: Ընդհանուր առմամբ, գրքամոլցիների և գրականագետի քննարկումը կարելի է համարել արդյունավետ, նամանավանդ, որ բացի Դոստոևսկու այս գրքից կարճ անդրադարձ կատարվեց նրա մյուս արժեքավոր ստեղծագործություններին: Գրքամոլ Ակումբի հաջորդ քննարկումները կվերսկսենք հաջորդ տարի: Հ.Գ. Հանդիպման բոլոր նկարներն՝ այստեղ:

մեկնաբանություններ