Եղիշե Չարենց. ընծայագրեր

Սիրելի Չարենց Թիմուրյանին

Այն հանճարեղ հայ մանուկին, որ հեռավոր Ամերիկայում կրում է նաիրցի պոետ Եղիշե Չարենցի անունը. համարելով ինձ համար մեծագույն բախտավորություն այս պատիվը` պատվիրում եմ նրան լինել կյանքում խիզախ և հպարտ նաիրցի` անշեջ պահելու համար այն սրբազան հուրը, որ մեզ ժառանգություն է մնացել մեր բազմադարյան մշակույթից:

Սիրելի Գարեգին Բեսին

Բարի ցանկություններով, որ կապվի հայ գրականության լավագույն տրադիցիաներին և դառնա արժանի իբրև հեղինակ, այն գրական հունին, որ գալիս է միջնադարյան հայ աշխարհիկ գրականությունից, անցնում է այսօրվա մեր միջով և գնում է հավիտյան դեպի համաշխարհային դեմոկրատիկ գրականության միջազգային սիմֆոնիան: