Էլիֆ Շաֆաք «Պատիվ»

2023-04-13 6971

► Որոշակի տարիքից հետո մարդ հաշտվում է իր կարողությունների ու սխալների հետ։

► Երբ մայրերը մահանում են, ուղիղ դրախտ չեն գնում։ Աշխարհի երեսին մի քիչ մնում, Աստծուց իրենց երեխաներին նայելու համար հատուկ թույլտվություն են խնդրում, ինչ էլ որ եղած լինի անցողիկ կյանքում իրենց ու իրենց երեխաների միջև։

► Կարող ես մեկին ողջ սրտով սիրել ու նորից ուզել նրան վնասել։

► Եթե համակարգից դուրս մնաս, կհասկանաս՝ ներսում անհնար է խելքին մոտ փոփոխություն անել։ Բայց եթե մարդ դառնա համակարգի մի մասը, նշանակում է՝ հոգին ծախել է։ Ինչպե՞ս կարող ես մի բանի ներսում լինել, բայց դրսում մնալ։

► Սուրճը սիրո նման է, ինչքան համբերություն ու ուշադրություն դարձնես, այնքան լավ կստացվի։

► Թշնամու ու քո միջև, բռունցքի ու ներքին օրգաններիդ, անհատի ու հասարակության, երեկվա ու այսօրվա, հուշերի ու խղճի միջև... Այս կյանքում արած կամ զգացած ամեն ինչի միջև պետք է տարածություն լինի։

► Ինչու՞ էինք ամեն ինչի վրեժը միմյանցից լուծում։ Այնտեղ ու այդ պահին հասկացա՝ թուլությունը օգուտ չի բերում։ Եթե ընկճվեմ, բոլորը վրա կհասնեն։

► Տղամարդու սերը նրա բնավորության շարունակությունն է։ Եթե տղամարդը կռվարար է, նրա սերն էլ է կռիվներով լի լինում։ Իր համար միշտ թշնամիներ է գտնում։ Իսկ եթե հանգիստ ու քաղաքավարի է, սպեղանու, մեղրի նման է։ Եթե իրեն խղճում է ու թույլ է, սերն էլ է ոչուփուչ լինում ու վերանում։

► Ամենավստահելի ճանապարհը միշտ քո ներսը նայելն է։ Հերիք է ուրիշներով զբաղվես։ Զայրույթը, խարազանումը ծանր պայուսակ է։ Ինչու՞ կրես։ Նետի՛ր։ Կյանքը տաք օդապարիկի նման է։ Վերև՞ ես ուզում գնալ, թե՞ ներքև։ Թո՛ղ զայրույթը, վրեժը, մրցակցությունը։ Ազատվի՛ր տոպրակներից։

► Մարդ կյանքի վարար ջրերը նետվելուց առաջ պետք է ընտանիքում սեր, կայունություն ու վստահություն տեսնի։

► Սիրել ու դավաճանել։ Երբեք չէր մտածել, որ կարող է խաբել մեկին, ում կյանքից առավել է սիրում։ Մինչև այդ օրը չգիտեր՝ կարող ես մեկին ողջ սրտով սիրել ու նորից ուզել նրան վնասել։ Դա իր կյանքի առաջին դասն էր այն մասին, որ սերը բարդ բան է։

Հ.Գ. Եթե դուք ունեք մեջբերումներ՝ դուրս բերված այս գրքից, ապա կարող եք ուղարկել մեզ հետադարձ կապով:

Դիտեք ավելին Մեջբերումներ Գրքերից բաժնում

մեկնաբանություններ