Գրքամոլ Ակումբ. Բաց Հանդիպում 3/12. Ֆրիդրիխ Նիցշե «Այսպես Խոսեց Զրադաշտը»
2019-04-15 2293
«Լոֆթ» երևանյան կենտրոնում տեղի ունեցավ «Գրքամոլ» Ակումբի կողմից կազմակերպվող հերթական բաց քննարկումը: Քննարկվող գիրքն էր՝ «Այսպես Խոսեց Զրադաշտը», հյուրը՝ գրքի թարգմանիչ, նիցշեագետ Հակոբ Մովսեսը: Վերջինս հավաքվածներին ներկայացրեց Ֆրիդրիխ Նիցշեի կյանքը, ստեղծագործական ուղին, Նիցշեյի փիլիսոփայության ակունքները: Բազմամարդ դահլիճում ընթերցասերներն իրենց հետաքրքրող հարցերի պատասխանները հնարավորություն ունեին ստանալու անմիջապես Հակոբ Մովսեսից, ինչը քննարկման մթնոլորտը դարձնում էր ավելի անմիջական ու ընկերական: Հանդիպման ավարտին մասնակիցները բազմակողմանիորեն ճանաչեցին Նիցշեին, հույս հայտնելով ուսումնասիրել նաև նրա մյուս գլուխգործոց հանդիսացող աշխատությունները:
Քննարկման բոլոր նկարներն՝ այստեղ:
* Գրքամոլ Ակումբը յուրաքանչյուր ամսվա առաջին շաբաթ օրը «Լոֆթ» կենտրոնում կազմակերպում է գրքի բաց քննարկումների շարք. հաջորդ հանդիպումը նախատեսված է մայիսի 4-ին, քննարկվող գիրքն է՝ Անթընի Բըրջեսի «Լարովի Նարինջ» երգիծական հակաուտոպիան: Մեր սիրելի ընթերցասերներին կոչ ենք անում սկսել պատրաստվել հանդիպմանը:
Դիտեք ավելին Գրքամոլ Ակումբ բաժնում
մեկնաբանություններ