Գրքամոլ Ակումբ. Խումբ 10. Հանդիպում VII. Մարսել Պրուստ «Բալդասար Սիլվանդի Մահը»

2023-01-27 517

Դեկտեմբերի 17-ին կայացավ «Գրքամոլ» ակումբի 10-րդ խմբի 7-րդ քննարկումը: Այս անգամ մասնակիցներն առնչվեցին ֆրանսիացի գրող Մարսել Պրուստի «Բալդասար Սիլվանդի մահը» ստեղծագործության հետ: Մինչև քննարկմանն անցնելը, մասնակիցներն իրենց խմբերով ներկայացրեցին Մ. Պրուստի անձնական, ստեղծագործական կյանքը և հետաքրքրաշարժ փաստերը: Մի խումբը մտքի թռիչքով ներկայացրեց գրողի ստեղծագործական կյանքը բեմադրության միջոցով, որի գաղափարը Պրուստի ստեղծագործական վերելքների ժամանակ գրողին երբեմն այցելող ցնորքներն էին, մյուս խումբը հետաքրքիր տեսանյութ էր պատրաստել Պրուստի անձնական կյանքի վերաբերյալ, իսկ հաջորդ խումբը ներկայացրեց ֆրանսիացի գրողի մասին տարբերվող ու անչափ հետաքրքիր փաստեր, որոնցից մեկը` թեյելն էր Մադլեն թխվածքաբլիթներով, որը եղել է գրողի սիրած թխվածքաբլիթը և որը մենք նույնպես թեյի հետ ճաշակեցինք՝ մի պահ տեղափոխվելով ֆրանսիական իրականություն: Ստեղծագործությունը քննարկելը նույնպես տպավորիչ էր, քանզի յուրաքանչյուրը զգացել էր ֆրանսիական քաղցր հնչերանգը և Պրուստի ճոխ գրելաոճը։

Հ․Գ․ Հանդիպման բոլոր նկարներն՝ այստեղ։

Դիտեք ավելին Գրքամոլ Ակումբ բաժնում

մեկնաբանություններ