Գրքամոլ Ակումբ. Խումբ Վեցերորդ. Հանդիպում VII. Հրանտ Մաթևոսյան «Անտիպներ»

2019-08-23 1943

Հուլիսի 27-ին տեղի ունեցավ Գրքամոլ ակումբի 6-րդ խմբի երկրորդ մակարդակի հերթական հանդիպումը։ Այս անգամ հանդիպման առիթ էր հանդիսացել հայ արձակագիր և կինոսցենարիստ Հրանտ Մաթևոսյանի «Նանա իշխանուհու կամուրջ» վիպակը։ Բոլոր խմբերը ներկայացրին իրենց պատրաստած նյութերն ու հոլովակները՝ Հրանտ Մաթևոսյանի անձնական և ստեղծագործական կյանքի մասին։ Եվ՛ հոլովակները, և՛ գիրքը շատ տպավորեցին ակումբի անդամներին։ Հեղինակից անցում կատարվեց բուն գրքի քննարկմանը, որի ժամանակ հնչեցին բացառապես դրական կարծիքներ։ Անդամները հավանել էին հատկապես Մաթևոսյանի ոճը և կերպարներին՝ թե՛ Իշխանին, թե՛ Արտաշին, և այլոց։ Անդամներից ոմանք վերջինիս անվանեցին «հայկական Մարկես»՝ հղումներ կատարելով Մարկեցի որոշ ստեղծագործությունների սյուժեներին։ Գրքի մասին էմոցիաներով փոխանակելուց կազմակերպվեց շրջանաձև ընթերցանություն, որի ժամանակ Գրքամոլները միասին ընթերցեցին հեղինակի «Վերադարձ» պատմվածքը, որտեղ վերարտադրված էր  սիրո և դավաճանության համատեղ կապը։ Այս դրական հանդիպումից հետո որոշվեց հաջորդ անգամ քննարկել անգլիացի դրամատուրգ Ուիլյամ Շեքսպիրի «Համլետ» պիեսը։

Հանդիպման բոլոր նկարներն՝ այստեղ:

Դիտեք ավելին Գրքամոլ Ակումբ բաժնում

մեկնաբանություններ