Գրքամոլ Ակումբ. Խումբ Յոթերորդ. Հանդիպում IX. Ուիլյամ Ֆոլքներ «Շառաչ և Ցասում»

2020-08-10 341

Շատ երկար դադարից հետո վերսկսվեցին «Գրքամոլ» ակումբի 7-րդ խմբի քննարկումները: Այդքան սպասված հանդիպումն այս անգամ տեղի ունեցավ Թումանյանի անվան այգում և նվիրված էր ամերիկացի գրող, գրականության Նոբելյան մրցանակի դափնեկիր Ուիլյամ Ֆոլքների ամենահայտնի ստեղլագործություններից մեկին՝ «Շառաչ և ցասում» վեպին, որի անվանումը վերցված է Շեքսպիրի «Մակբեթից»։ Վեպում հեղինակի կողմից օգտագործված մի շարք նկարագրական ոճերից ամենաշատն ընդգծված է գիտակցության հոսքը: Այն Քոմփսոնների ընտանիքում տեղի ունեցող իրադարձությունների մասին մի պատմություն է, որը պատմվում է այդ ընտանիքի անդամների կողմից: Պատմություն, թերևս այն կյանքի մասին, որը լի է շառաչով և ցասումով: Հնչած կարծիքներն ու վերլուծությունները որքան նման, այնքան էլ հակասական էին՝ կապված գրքի բովանդակության, իմաստի, նրանում առկա մի շարք սոցիալական ու հոգեբանական խնդիրների և այլնի հետ: Վեպի դժվարընթեռնելիությունն էլ ինչ-որ կերպ ազդեցություն էր ունեցել ընթերցողների զգայական ու գիտակցական մակարդակի վրա, ինչն է՛լ ավելի հետաքրքրացրեց քննարկումը: Ինչպես արդեն ասվել է, այս փուլում գրքից զատ քննարկվում է նաև նույնանուն ֆիլմը: Գրքի և ֆիլմի համեմատական վերլուծությունը, տարված զուգահեռները ևս թույլ տվեցին վեպը լիարժեք ընկալել և առաջ անցնել դեպի նոր հեղինակներ ու ստեղծագործություններ բացահայտելու:

Հանդիպման բոլոր նկարնեն՝ այստեղ:

Դիտեք ավելին Գրքամոլ Ակումբ բաժնում

մեկնաբանություններ