Գրքամոլ Ակումբ. Խումբ Յոթերորդ. Հանդիպում IV. Թեոդոր Դրայզեր «Տիտան»
2020-02-23 744
«Գրքամոլ» ակումբի 7-րդ խմբի հերթական հանդիպումը նվիրված էր ամերիկացի մեծագույն գրող, քննադատական ռեալիզմի ներկայացուցիչ Թեոդոր Դրայզերի եռերգության երկրորդ հատորին՝ «Տիտանին»: Ստեղծագործությունը հայտնի «Ֆինանսիստը» գրքի հերոսի՝ նույն ինքը Ֆրենկ Ալջերնոն Քաուփերվուդի կյանքի հետագա զարգացումներն են, երբ բանտարկությունից հետո Ֆիլադելֆիայից անցնում է Չիկագո՝ իր հետ վերցնելով երիտասարդ սիրուհուն՝ Էյլինին, ով շուտով դառնում է իր կինը: Չիկագոյում հաստատվելուց անմիջապես հետո Քաուփերվուդը գրանցում է բազմաթիվ ֆինանսական հաջողություններ: Դրանից զատ վեպում նկարագրվում է սիրեցյալների ուղին՝ իր երջանիկ ակնթարթներով և վայրիվերումներով: Հնչեցին կարծիքներ հերոսի անմարդկային և սարսուռ առաջացնող հզորության մասին: Դա չխանգարեց, որ մատնանշվի նաև վերջինիս ազատ կերպարը, քանզի սուր քննարկման առիթ տվեցին հատկապես նրա սիրային դավաճանությունները: Քննարկվեց, թե ինչքան գեղեցիկ էին հեղինակի նկարագրությունները հերթական սիրավեպի մասին, և թե ինչքան խորն էին ու յուրահատուկ Քաուփերվուդի հույզերն ու զգացումները յուրաքանչյուրի նկատմամբ առանձին-առանձին: Հանդիպումն իհարե չէր կարող անցնել առանց բուռն ու լարված քննարկումների. կարծիքների ու տեսակետների խառնաշփոթ մթնոլորտ, որն այնքան հաճելի էր:
Հանդիպման բոլոր նկարներն՝ այստեղ:
Դիտեք ավելին Գրքամոլ Ակումբ բաժնում
մեկնաբանություններ