Գրքամոլ Ակումբ. Խումբ Յոթերորդ. Հանդիպում Վերջին

Սեպտեմբերյան վերջին լուսավոր օրերից մի օր՝ 20.09.20թ., տեղի ունեցավ «Գրքամոլ»-ի մեր սիրելի 7-րդ խմբի ավարտական հանդիպումն ու ամենասպասված վկայականների հանձնումը:

Այս խմբի հետ կատարված աշխատանքն ու անցկացրած օրերն ամենայուրահատուկներից ու տարբերվողներից էր: Բացի գրքի քննարկումների ընթացիկ փուլերը՝ 7-րդ խմբի անդամները ստիպված էին հաղթահարել համավարակով պայմանավորված բարդ ու վայրիվերումներով փուլը ևս, ինչը, վստահաբար, լիարժեք ստացվեց:

Այս վերջին հանդիպման ընթացքում կարդացինք խմբի անդամներից յուրաքանչյուրի սպասելիքների, վախերի և նախնական տրամադրվածության մասին հայտաթերթիկները, որոնք լրացվել էին խումբ ընդունվելուց առաջ, և ապա համեմատելով նրանց վերջին տպավորությունների հետ՝ կրկին կարող ենք վստահաբար փաստել, որ արդարացվել էին բոլորի հույսերն ու սպասելիքները՝ կապված «Գրքամոլ» ակումբի հետ:

Դրա վառ ապացույցը եղավ 7-րդ խմբի գրեթե բոլոր մասնակցիների անդամակցումը Գրքամոլի մշտական խմբին, ինչն արդեն երկուստեք մեծ ձեռքբերում է:

Մենք սիրով ու մեծ պատրաստակամությամբ կսպասենք նոր գրքասերների, որոնք կցանկանան միանալ «Գրքամոլ»-ի մեծ ընտանիքին: Նոր խմբի անդամակցությունը սկսված է:

Հ.Գ. Հանդիպման բոլոր նկարներն՝ այստեղ: